|
三和大莊來料
肥叔专栏 (2007-11-07) 費倫巴治主場歎豪門夜「燕」 前晚英超獨腳戲，曼城主場對新特蘭，論往績，主場七連勝曼城一定贏晒，但大戶卻瘋狂狙擊下盤，令曼城賽前不斷回飛，由讓一球打到落讓半球，最終曼城險勝一比○，證明曼城今季非常硬淨，不過肥叔亦體會到一個道理，就係曼城已贏得太多，開始有放分空間，主W過熱，大戶寧願追下盤，波就係咁賭，但贏輸只能聽天由命。 肥叔心水基金 
切忌熱捧名牌 今日歐聯戲碼較為強弱懸殊，相信好多散戶都會一面倒追捧曼聯、巴塞、國米等名牌球隊，但肥叔認為，歐聯各隊實力差距唔大，各隊有足夠分數情況下，根本冇必要大炒對手，讓咁多絕對唔抵玩，大家唔好忘記，分組賽第三名都可轉戰足協盃，所以即使包尾球隊，第四輪分組賽亦有明確目標，切忌想當然支持名牌球隊。 今日最大機會開出上盤，反而係較少人留意G組費倫巴治，費倫巴治今屆歐聯表現相當突出，三戰一勝二和未輸過，計盤路全部贏晒，佢地獄主場出名惡，強如國米都要輸畀佢，費倫巴治近十場主場成績為七勝三和，主場對住同級球隊燕豪芬，僅讓平半可謂相當抵玩。 燕豪芬面對另一隱憂，係主帥朗奴高文離隊，雖然助禾達斯係經驗豐富前荷蘭國腳，但執經驗同朗奴高文差得遠，上仗佢首度領軍，就不敵海倫芬，今仗山長水遠作客土耳其，認真牙煙。睇番往績，費倫巴治近兩次歐聯主場對燕豪芬都贏波而回，係咪好抵玩先？ 諾域治借「新帥效應」反彈(2007-11-04) 打戰關乎兩支同區球隊名譽，即使牌面稍處下風的球隊，往往能憑戰意搭夠，故近績參考價值相對較低。今晚英冠上演東安格里亞打，諾域治主場迎戰葉士域治，「金絲雀」近期狀態雖然低沉，但具反彈潛力，目前馬會開出平手盤，對主隊極有利，可秤先。（now 898周日晚8時45分直播） 東安格里亞打歷史悠久，屬英格蘭其中一場對抗性極強的賽事，激烈程度足以媲美蘇格蘭格拉斯哥市打戰，兩支球隊均視對方為死敵，所以每次碰頭均抱非勝不可決心。由於這個獨特因素，研究今場賽事時，近績及比賽狀態參考價值降低，狀態愈差的球隊，愈希望在今仗爭勝，鬥心一定比對手更強。 打戰有主場之利秤先 諾域治近八場聯賽一和七負，位列英冠榜尾，會方早前完成換帥行動，球隊由前紐卡素及韋斯咸主帥盧達執，這位頭具英超經驗，可協助球隊反彈。除「新帥效應」外，打戰主場因素亦極重要，特別是球隊上季兩戰葉士域治僅得一和一負，主場球迷肯定會分外落力打氣，希望球隊能擊敗死敵雪恥。 如果兩軍狀態接近，今場賽事諾域治最少要讓平半，不過，由於球隊近績差，故普遍操盤手開出平手盤。如單從近績看，散戶很易選擇位處前列的葉士域治，事實上，今場毋須讓波的諾域治具坐和望贏之力，在盤口有利情況下，建議購入主隊。 肥叔专栏 (2007-11-04) 連贏六個盤未夠喉 卡坦尼亞莊冇「蘭」度 尋日有場英超大戰，今日就有場意甲重頭戲，祖雲達斯主場對國際米蘭，雖然意甲歐洲球壇仲有一定地位，但講到投注額，已經四大聯賽中敬陪末席，因為意甲近年負面新聞太多，透明度又唔夠高，對真金白銀捧場球迷講，受歡迎程度已大不如前。 肥叔經常強調，賭波唔一定要揀戲碼好場次，亦唔好盲目相信名牌，好似周六凌晨場葡超咁，散戶一窩蜂追捧波圖，結果波圖大熱倒灶，主場畀比蘭倫斯逼和一比一，呢場波莊家真係賺到笑，畢竟波圖聯賽遙遙領先，周中又要備戰歐聯賽事，今仗有好大失分空間，依家和波亦唔係世界末日，何況仲話要讓球半、兩球，點開上盤呀？ 言歸正傳，今晚肥叔揀多場勢均力敵賽事，重心推介卡坦尼亞，呢支西西里島球隊上季升班即護級成功，佢近排成績非常好，近六仗三勝三和，計盤路全部贏晒，今晚主場對阿特蘭大，只係小讓平半仲有高水，憑佢主場三連勝威力，上盤好抵玩。 肥叔心水基金 
士砵亭難炒拿華 另一場值得留意係葡超拿華，拿華實力只屬中游，但呢隊波勝在防守好，經常可悶和對手，上季就憑住穩守突擊戰術，一度成為歐洲盤王，今仗作客士砵亭，由於對手要留力歐聯爭出線，今仗受讓球半，有一球做「燕梳」，大可放心捧下盤。 德甲則捧兩支主隊，杜伊斯堡今季衰到貼地，作客更係長反好對象，卡爾斯魯厄季初表現對辦，佔主場之利，應可全取三分；而波琴上周中德國盃明顯未盡全力，今仗返主場係搶分好時機，平手盤捧得過。 馬會一早壓價 紐卡素樸茅「細」不可當 (2007-11-03) 今晚主力研究英超賽事，紐卡素主場迎戰樸茨茅夫，兩軍實力接近，料會出現膠場面，入球數字偏低，現時歐洲平均細盤賠率高於大盤，但馬會操盤手動作快人一步，一早壓低細盤賠率，宜盡早購入。（now 631周六晚11時直播） 迪斯甸蘇甘保好穩陣 紐卡素連續三場主場聯賽攻入三球，進攻火力毋庸置疑，不過，有一點要留意，紐卡素三場對手熱刺、愛華頓及韋斯咸防守力只屬一般，今場面對樸茨茅夫，球隊未必能夠再大勝。樸茅今季加入法國守將迪斯甸，他與蘇甘保組成英超一級中堅組合，球隊近四場作客賽事全勝兼不失一球，四場賽事均開細盤，顯示防線表現極為穩健。 除賽績外，數據屬足球博彩重要資訊，如果肯留心觀察賠率，透過不同公司作出比較，再作出獨立分析，有助提高命中率。今場賽事馬會與歐洲博彩公司處理有別，歐洲普遍莊家初盤高開細盤賠率，但馬會則將細盤壓低至1.75倍，結合賠率與賽績，有理由相信馬會是行先一步，提早壓低細盤，預計其他歐洲莊家會逐步作出調整。 目前兩軍位處聯賽榜上游，大家都希望奪取歐洲足協盃參賽資格，故早已視對方為假想敵，今場賽事預計形勢會非常接近，主客和及讓球盤難作選擇，不妨以細盤作投注重心。 肥叔专栏 (2007-11-03) 史特加作客6連敗 紐倫堡乘機踩多腳 今日大家焦點，都放阿仙奴主場對曼聯英超大戰身上，老實講，通常呢大戰，都係好睇唔好賭，表面上，今場開個平手盤出，主場唔使讓波阿仙奴真係好抵玩，但曼聯呢期氣勢真係好強，既然兩隊都咁弗、咁當打，倒不如捧大盤好過。事實上，早星期二已經有大戶落注買大盤，一於博呢場有好波睇又有錢收。 不過講到真正好路，肥叔首推德甲紐倫堡，史特加呢支上季聯賽冠軍，今季應付歐聯搞到五勞七傷，佢人腳唔係話唔好，但兩線作戰負擔實在太大，而且上季捧盃，某程度上係列強失準所致，所以今季要重新估計呢支球隊。紐倫堡雖然季初成績麻麻，但佢一向靠主場搶分，對住作客六連敗史特加，平手盤坐和望贏。 肥叔亦好鍾意紐卡素，樸茨茅夫前排五連勝，氣勢的確一時無兩，但呢類黑馬好難長期維持狀態咁好，贏得幾場就會獲利回吐，上場畀韋斯咸守和，周中英聯盃又輸畀布力般，證明以上講法，由於樸茅近期到飛，所以紐卡素今場只係小讓平半，以「喜鵲」地頭蟲性格，平半盤真係抵玩到極。 拉素馬略卡主場可靠 意甲拉素亦值得留意，費倫天拿今季同國際米蘭一樣保持不敗，但佢一向係主強客弱球隊，作客不宜過分睇好，拉素剛首都打戰落敗，主場唔可以再衰畀球迷睇，兩隊實力相差唔係咁遠，平手盤梗係揀番主隊。 至於西甲，相信大家都知道華倫西亞改由前燕豪芬練朗奴高文執，不過一支球隊換練，唔係可以即刻起死回生，尤其今場仲要係作客添，馬略卡呢支孤島球隊，沉寂幾季，今季又打起番，呢隊波反擊相當厲害，射手古爾沙至今已射入六球，好適合球隊踢法，呢場平手盤，梗係捧當頭起主隊啦！ 桑坦德怪盤似足阿仙奴 (2007-10-31) 現今投注人士水準提升不少，盤口派擅長發掘「怪盤」，不過，操盤手擅於捉摸客人心理，亦不時刻意出招擾亂盤口派視線，互相鬥法。維爾瓦正值四連敗，今晚主場對連贏四盤的桑坦德卻要讓平半，顯示莊家睇好維爾瓦可反彈，又出怪盤招數。但兩隊近況差距大，不宜盡信盤口，建議持有下盤。（周四凌晨3時開賽） 事實上，今場格局與周日阿仙奴作客利物浦非常相似，兩支實力接近的球隊交手，並由狀態較差的一方讓波，如果以盤口派角度方析，賠率顯示主隊有機會反彈，以半個博全個盤，上盤較具博彩價值。不過，單從盤口分析不夠全面，維爾瓦今季水準暴跌，明顯出現升班馬「第二季併發症」。 維爾瓦打回原形 維爾瓦上季升上西甲，首季表現出色，不過，今季隨即打回原形，情況與英超的雷丁極相似。維爾瓦四連敗一球不入，桑坦德則連贏四個盤，今場維爾瓦竟然要讓平半，似乎不太合理。球隊跌勢持續，剛戰更添兩個傷兵，主力伊度莫亞及薩軒奴斯同告受傷，預計會雙雙缺陣，實力大幅受削。 目前歐洲博彩公司普遍開出維爾瓦讓平半，但桑坦德客W已開始出現落飛情況，以現時走勢來看，不排除有可能會轉為平手盤，宜盡早入定貨。 肥叔专栏 (2007-10-31) 主場對馬略卡唔使讓 拉科退熱胃口 近期歐洲聯賽賽期密，賽果開始反常，剛過去周日米蘭雙雄、拜仁慕尼黑、格拉斯哥流浪，甚至浦和紅鑽都熱門倒灶，強隊參與太多賽事，兵力點強都好，都會受傷停同埋體力問題困擾，今晚意甲同西甲快車檔期，更加要提防名牌陷阱。 講到周中快車期投注策略，肥叔認為好簡單，就係要吼實主場球隊。由於現時歐聯比賽踢得好密，實力已經唔係揀波先決條件，因為體力先至係致勝關鍵因素。主隊可以留番自己地方出戰，唔使舟車勞頓四圍去，已經有好大優勢，佔盡地利同體力，當然特別數。 講到今晚重心場次，肥叔選擇拉科魯尼亞主場對馬略卡，拉科近年水準跌，但主場出擊仍然有惡氣，佢早前先後輸完畀皇家馬德里同華倫西亞，依家已經退晒熱，今場面對馬略卡，唔使讓波實在非常有利，結合上述主場因素，呢個平手盤抵玩。（周四凌晨3時開賽） 肥叔心水基金 
艾美利亞坐和望贏 薩拉戈薩上場大勝維拉利爾，但係今場作客對升班馬艾美利亞，客Ｗ唔多去飛，普遍莊家開出平手盤，對客軍信心一般。艾美利亞主場踢得唔曳，可坐和望贏，平手盤捧得過。另外，華倫西亞上場對西維爾大敗○比三，今場主場對皇馬平手盤，憑地利可反彈，細盤亦可兼顧。 意甲快車日，肥叔唔睇好國際米蘭，呢隊波名氣太大，經常要大幅讓波，今晚對住頻頻贏盤熱拿亞讓到球半、兩球，要下盤。再睇法聯盃，摩納哥今季聯賽冇乜作為，自然要盃賽搵食，希望向球迷交代，朗斯近況曳到極，作客上陣冇惡氣，呢場可以捧番主隊。 哥連泰斯生死時刻主Ｗ (2007-10-28) 巴甲賽事進入最後直路階段，護級球隊較值得投資者留意，起碼在鬥志方面毋須懷疑，操盤手對於這類球隊會特別看好，取勝賠率亦會比平常調低。周一凌晨有多場巴甲賽事，其中尾四球隊哥連泰斯將於主場對費古倫斯，現時前者身處降班區域，搶分鬥志鮮明，難怪「主勝」賠率低至兩倍。投資者若信任賠率走勢，今場可持有「主勝」。（周一凌晨３時開賽） 本來哥連泰斯護級進度都幾理想，十月初更曾經作客擊敗榜首球隊聖保羅，但上周作客紐迪高時不慎以○比一僅敗，打亂了球隊部署。今次一定會把握主場優勢痛擊費古倫斯，務求保持護級機會。 費古倫斯無欲無求 費古倫斯排行第八位，既無降班威脅亦無大機會躋身前四，基本上已無所求，求勝意欲必不及有護級壓力的哥連泰斯。預計費古倫斯今場可能會派副選球員落場吸收經驗，到時實力便進一步減弱，得益的自然是主隊。 肥叔专栏 (2007-10-28) 以逸待勞迎疲兵 桑坦德添食「基」不可失 今晚焦點肯定係英超，阿仙奴十二連勝仲有得受讓，盤口睇落真係好筍，唔少散戶晨早入定下盤，部分博彩公司更轉埋平手盤，全面睇好阿仙奴。老實講，兩隊波級數一樣，呢場波阿仙奴備受考驗，利物浦主場夠惡，有力坐和望贏，肥叔反而睇好紅軍。 講番今日投注策略，歐洲賽過後反名牌係指定動作，強隊上周中耗力多，返聯賽如果讓波過多，可以大膽捧對家。漢堡剛踢完足協盃，返聯賽繼續作客，呢情況最危險，今次仲要讓到半球，上盤充滿暗湧；對手杜伊斯堡上場贏波止血，士氣好番好多，呢個下盤捧得過。另外，熱刺頭祖爾剛離隊，依家隊波群龍無首，無王管下今場唔知會踢成點；對手布力般不嬲係豬頭骨，呢場下盤亦值得一試。 肥叔心水基金 
桑軍已連贏三個盤 是日重心係桑坦德，呢班波一向畀人低估，所以經常能夠換來超賠率，其實佢主場踢得唔曳，對住同級對手往往可以全取三分，球隊已經連贏三個盤；相反基達菲聯賽作客全敗，而且上周中遠赴英倫踢足協盃，體力難免受到影響，受讓平半都信唔過。 皇馬巴塞讓得多要反 另外，今日反晒兩隊西甲班霸，皇馬上周中歐聯搏到好盡，打到最後階段先贏波，短時間內未必回到氣，對住拉科點讓球半啊？揀番下盤數。巴塞情況亦好相似，佢要讓到兩球，個盤真係好誇張，艾美利亞並非魚腩，大幅受讓當然捧得過。 雷丁中門大開益紐記 (2007-10-27) 今日主力研究英超賽事，根據「SAMVO綜合防守指數」，雷丁水平屬於下游，評級與弱旅打比郡相同，顯示球隊防守力不足，今晚主場迎戰攻力大增的紐卡素，預計失球數字唔少，現時大盤分頭不俗，並有逐步下調象，宜盡早購入。（now 633周六晚10時直播） 雷丁去季初上英超，演出令人眼前一亮，不過，今季球隊出現「第二季併發症」，表現完全走樣，防守水準大跌，繼早前四比七負於樸茨茅夫後，上場又以二比四大敗於布力般流浪。由於雷丁防線持續不穩，其「綜合防守指數」已進行調整，與打比郡處於同一評級。 紐卡素攻力未見底 雷丁門將夏尼曼表現欠穩，導致防線信心動搖，嚴重影響陣上發揮。不過，射手奇雲杜里已經回勇，近兩場賽事入三球，有利今場開大。紐卡素近期攻力大增，馬田斯與奧雲於前線表現活躍，有助隊友後上埋門，球隊近兩場賽事已攻入六球，今仗料會再有進帳。 歐洲博彩公司普遍對雷丁防線作出負面評級，當操盤手制訂大細賠率時，會將這個因素計算在內。今晚雷丁主場迎戰紐卡素，初盤大細賠率接近，但開售一段時間後，大盤已出現落飛象，預計會於短期內下試1.7倍，基於兩軍防線同樣存在問題，大盤可取。 肥叔专栏 (2007-10-27) 布魯士續牌唔衰得 伯明翰搏殺要根 前晚足協盃戰果算正路，可見踏入分組賽階段，少古靈精怪球隊，蠱惑都少，較受矚目係熱刺輸波，不過賽前領隊祖爾被炒，隊波群龍無首，冇晒方向，想唔輸至奇，但呢隊波始終有班底，相信好快可重上正軌，未來一定要留意。肥叔今晚以英超做主打，總共揀三場，護級大戰伯明翰主場對韋根，主隊讓平半，揀上盤。 如無意外，伯明翰同韋根今季都要為護級而戰，相比之下，肥叔較為睇好伯明翰，除伯明翰呢支球隊根基較厚，球員鬥心同士氣都比韋根優勝。今季入主香港班主楊家誠，將會今場波後約見領隊布魯士，商談續約問題，如果伯明翰贏波，布魯士有大把本錢在手，以佢同球員咁好關係，相信球員會幫佢一把，打番場爭氣波。 肥叔心水基金 
韋根愈踢愈「沉」 韋根今季由赫真斯執後，成隊波即刻「立」晒，有報道指佢同老闆韋倫、球員關係麻麻，情況同早前祖爾差唔多，大有機會成為英超第四位被炒領隊，肥叔唔排除班球員想夾計整走佢。數手指，韋根已經超過兩個月未贏過波，自從英格蘭國腳希斯基養傷後，隊波進攻冇晒目標，連輸四場，加埋都係入一球，今場作客伯明翰好牙煙。 曼聯主場對米杜士堡，肯定全世界人都捧晒曼聯，不過曼聯讓到兩球咁多，肥叔實在有保留，畢竟曼聯陣中傷兵多，周中又去完烏克蘭打歐聯，舟車勞頓下，唔係話炒就炒，米堡自知牌面低，呢場擺明死守，佢近五次對曼聯，都未試過輸多過一球，而且仲和三次咁多，下盤補多個大，隨時贏晒兩瓣！ 不来梅火猛拉唔住 (2007-10-24) 于「Samvo进攻评级系数」当中，德甲云达不来梅是一支处于高位球队，由此可知球队今季仍然以进攻为主要卖点。今晚云达不来梅将于主场对拉素，凭主队强而有力的攻击力，有望击溃阵容不整的拉素，故「主胜」颇值得投资者注入资金，单头甚或过关皆宜。（周四凌晨2时45分开赛） 云达不来梅于欧联分组赛已经连败两场，但并未有令人睇淡他们的取胜机会，几间外国博彩公司如Bombabet、bwin及Canbet都把「主胜」赔率调低，好明显对云达不来梅持乐观态度。葡国前锋晓高艾美达、辛洛高等近期都频频有入球交出，相信云达不来梅可把高效率的攻击能力伸延到欧联当中。 欧洲大市唱好主W 对手拉素于欧联分组赛两战皆和局，球队末段决心不足是拉素缺点之一。另外赛前公布进攻中场莫利因伤缺阵，这不仅令中前场联系性减低，亦令到洛基以及彭迪夫的供应减低。基于欧洲部分博彩公司已经把「主胜」赔率压至1.68倍甚或以下，相信亚洲方面也会跟从大市走势而作出调整。所以劝喻投资者应尽早吸纳「主胜」，以保住应有的回报。 肥叔专栏 (2007-10-24) 欧联基本法 主场加下盘 马赛完红军追杀波图 今晚欧联赛事形势混乱，由于欧联参赛球队都属国内顶尖分子，所以水平有番咁上下，当有球队让多过一球或以上，上盘避得就避。另外，切忌追捧四大联赛名牌，车路士之前主场和洛辛堡输盘，唔少散户都中招，呢类投注陷阱无处不在，大家要醒目执生。 今日心水系马赛，主场对住波图唔使让波数，平手盘拣番主队。肥叔一再强调，欧联最基本两种玩法系捧主队同下盘，由于参赛球队实力接近，所以主场因素非常紧要，马赛作客能够击败利物浦，证明攻守能力唔曳，班波就算唔系欧洲一线，都肯定属二线头，千祈唔好因为联赛成绩低估佢，主场对波图平手盘抵玩！ 宾菲加近年欧联成绩一直唔曳，今届头两场输晒纯属意外，经过调整之后，返到主场有望反弹。苏格兰球队多属门口狗，些路迪作客冇晒恶气，呢场可以秤先主队。云达不来梅分组赛两场输晒，今次主场对拉素焗攻，压得上后面自然多空位，意大利球队擅长打反击，相信今场有力保持不败，下盘捧得过。 肥叔心水基金 
ＡＣ跌Watt吼萨克达 另外，ＡＣ米兰今季整体演出跌晒Watt，但碍于名气关系，班波经常都让得太辣，盘口同表现完全唔相符，累到唔少散户损手。今晚ＡＣ主场对萨克达，目前让到球半，萨克达假假都系小组一哥，呢队乌克兰波愈踢愈进步，今场话唔定又带畀大家惊喜，下盘捧得过。 基達菲走樣不宜憧憬 (2007-10-21) 馬季開鑼初段，不少馬迷都會追捧未勝出騎練，「追開齋」情況同樣出現在足球博彩市場，操盤手睇準散戶心理，往往開出不合理盤口。今晚基達菲主場迎戰梅西亞，基達菲聯賽至今仍未贏波，面對極具上升空間的梅西亞難讓半球，建議可購入「讓球客勝」。（周日晚11時開賽） 基達菲去季聯賽成績不過不失，主場演出頗具說服力，曾於聯賽擊敗皇家馬德里及華倫西亞等勁旅，已建立不俗口碑。不過，今季季初球隊表現走樣，聯賽七戰兩和五負，水準與上季相距甚遠；但散戶抱有「追開齋」心理，仍然憧憬球隊去季佳績，初盤讓到半球照樣有人捧場。 基達菲季初遲遲未能贏波，現時大軍信心正處低潮期，相信短期內難回復最佳水準。再者，球隊周中要進行足協盃賽事，今仗去向實在成疑。 梅西亞具上升空間 梅西亞今季升班後演出穩定，前仗作客華拉度列更大勝四比一，球隊成功造出不俗升勢，預計今場仍會有平穩發揮，受讓情況下可睇高一線。 現時歐洲平均主Ｗ賠率為2倍，基達菲要讓到半球，已經開始出現輕微回飛現象，預計有機會作進一步調整。今場「讓球主勝」高開至逾4倍，莊家明顯對基達菲信心一般，建議持有「讓球客勝」。 肥叔专栏 (2007-10-21) 大戶一早掃貨擺明有計 阿爾克馬爾唔怕跟！ 有留意開肥叔專欄，都會發覺肥叔今季揀多荷蘭波，而且命中率仲相當唔錯。其實做得呢行，最緊要係無時無刻都要緊貼市場趨勢，肥叔雖然唔係荷蘭波專家，但對開盤手法同飛數變動都瞭如指掌，所以好容易會發現一蛛絲馬，某大戶幾日前掃貨撐阿爾克馬爾，肥叔決定介紹畀大家。（周日晚8時30分開賽） 好多賭場會有一張黑名單，應付一班經常贏大錢職業賭徒，博彩公司對大戶出貨亦有晒紀錄，而且仲有專人負責分析。好似某大戶就專向荷蘭波埋手，而且飛到波到，命中率甚高，遇到呢專業高手，博彩公司通常都會同佢打好關係，方便日後料。 阿爾克馬爾季初成績欠佳，聯賽已經四場未贏過，跌到落第十二位，雖然佢今季走好多人，不過練尹戈爾係有料之人，收購球員向來眼光獨到，經過季初幾場聯賽熱身同埋國際賽賽期調整後，今晚主場對海倫芬相信會重上正軌，難怪大戶對佢咁有信心，主隊讓半一，捧上盤。 肥叔心水基金 
海倫芬客場冇貨賣 海倫芬呢支黑馬係神經刀，最叻就係唔聲唔聲，嚇你一驚，好似上仗就以九比○大炒荷華高斯，但呢隊波表現時好時壞，主場係威係勢，作客經常冇貨賣，早前作客阿積士、飛燕諾兩支勁旅都清脆地落敗，加上巴西國腳艾方素遊完飛機河，阿爾克馬爾主場係時候三分重建信心。 其他心水，肥叔對卡爾斯魯厄較有信心，呢支升班馬已打出信心，連贏三場，對手仲要係實力不俗法蘭克福、史浩克04同多蒙特，今仗對手比勒費爾德四連敗，成隊波散晒，主隊讓半一要上盤。 曼城傷「鋒」細難擋 (2007-10-20) 國際賽後，下周中歐聯又展開，賽期咁密，大家都好關心國際賽後遺症問題，作為操盤師，除會因應球隊近績、對賽成績同各項統計而開盤，資料搜集同軍情亦係不可或缺一環，今晚英超曼城對伯明翰，曼城主場保持百分百勝率，屬今晚大眾投注熱門，但該隊今仗有唔少傷兵，影響攻力，建議捧細盤。（now 633周六晚10時直播） 英超有兩支主場勝率為百分百球隊，分別係阿仙奴同曼城，阿仙奴主場成績佳屬正路，但曼城有咁好成績，唔少行家都大感意外。不過，佢今仗主場對伯明翰，投注者要分外留意，一來曼城賠率已過熱，今仗市場平均賠率1.55倍，近乎不合理水平，二來陣容不整，大大減低投注價值。 伯明翰亦缺射手科素 經過分析，曼城傷兵主要來自攻擊球員，保積洛夫、華素爾、史杜列治及路蘭度比安基四名箭頭均有傷在身，雖然後者已復操，但狀態未足，最令人擔心係近況大勇巴西中場艾蘭奴，剛由南美洲趕回曼徹斯特疲態盡露，領隊艾歷臣仲未決定會否派佢上陣，加埋米高莊遜未必可以披甲，曼城攻擊力嚴重受影響，由於伯明翰亦有射手科素養傷，既然兩隊都攻力受挫，今仗可捧細盤。 肥叔专栏 (2007-10-20) 夠正氣勝率高企 布力般追殺雷丁 周中國際賽肥叔成績算有交代，幾場重心推介，包括挪威、捷克、北愛爾蘭同立陶宛都得手，由於歐國盃分組賽白熱化，世界盃南美洲區外圍賽又展開，國腳特別吃力，加上下周中有歐聯後顧之憂，今晚大家對名牌球隊，又或者作客讓波球隊，要分外小心。 講起歐國盃，東歐國家特別多蠱惑，因為佢仲係發展中國家，管制冇其他西歐國家咁嚴謹，好似阿塞拜疆對塞爾維亞，塞爾維亞賽前狂落飛，肥叔已經覺得唔對路，當塞爾維亞入波，大戶繼續追塞爾維亞，果然入一粒，入又一粒，塞爾維亞最終大炒六比一，大戶贏足幾浸，日後國際賽，大家對東歐國家飛數變動要特別留意。 史特加降溫胃口 講番今日心水，英超布力般流浪主場出擊對雷丁，其實肥叔近幾季都好欣賞布力般，因為呢隊波相當正氣，贏盤率一直高企，佢足協盃出局後，可專心一致打聯賽，以佢人腳，加上對歐洲賽野心，相信今季可爭取前六位置。相反雷丁今季跌晒Watt，後防立立亂，作客一場都未贏過，今場捧主勝好正路。 德甲方面，肥叔今日心水以下盤為主，史特加係上季聯賽冠軍，所以季初盤口辣好多，但經過幾場波「過冷河」後，大家對佢評價又回復舊觀，今晚作客漢堡有得受讓，下盤捧得過，而史浩克04、雲達不來梅歐聯前出戰，分別要作客讓半一同主場讓一球、球半咁多，唔使諗，一定捧對家。 至於早餐飛動向，荷甲阿積士主場對奈梅亨，唔少大戶一早入定貨要下盤，阿積士今季冇晒銳氣，要大勝談何容易！ 希臘作客土耳其大仇必報 (2007-10-17) 土耳其及希臘近年都曾在國際性賽事交出好成績，希臘更係上屆歐國盃冠軍，今晚兩支球隊於C組榜首大戰對決，相信會好似上場對賽咁出現大量入球，大盤可列作重心投注項目。（周四凌晨1時30分開賽） 上次主場輸1:4 希臘以強硬防守見稱，不過從近幾場賽事所見，該隊作風有所改變，多次與對手大打開放式足球。無疑希臘的入球數字的確比以前多，但失球亦明顯地增多，所以最近四場賽事，總入球都開大。雖然今場作客土耳其和波，對榜首希臘來講已屬非常理想戰果，但由於歷史因素，這兩個國家有很深積怨，仇人見面分外眼紅，兩軍一定踢到飛沙劈石，上次希臘主場輸一比四就係一大明證，相信希臘亦想有仇報仇，作客亦唔會踢龜縮波。 排第二位的土耳其只領先挪威一分，今場一定積極搶攻，務求全取三分。於C組七支球隊當中，只有土耳其得球數字突破二十，數字上已反映該隊攻力不俗。既然雙方在進攻方面都有一定把握，總入球大盤值得捧場。 肥叔专栏 (2007-10-17) 爭出線冇保留 挪威搏殺推波助瀾 肥叔經常同大家講，賭波唔好盲目捧名牌，巴西上場作客哥倫比亞，初盤讓半球已經唔抵玩，臨尾仲畀人插到讓一球，即時引來唔少大戶出動，下盤及細盤加加埋埋贏成十注飛有多，散戶資金全部流晒落班大鱷度，只因太篤信名牌。 睇番日場波，正路計應該係巴西讓平半，一開飛讓多，買買變讓一球，大戶出手狂掃下盤，一球、半一、半球、平半全部買晒，加埋細盤，2.5球、2球、1.5球、1球，一路掃落去，結果贏到開晒巷。莊家食飽開始放盤，散戶盲目吸上盤，最後成為大鱷點心，再次證明盲目捧名牌易出事。 肥叔心水基金 
蘇格蘭捷克抵玩 睇番今晚賽事，主要都係玩爭出線幾隊，由於去到呢個階段佢根本冇保留，不分主客場都要搏，所以就算作客都唔使太擔心。今日重心場次係C組挪威，佢同第二位土耳其差一分，為爭出線一定要搏，今場佢傷幾個主力，作客波斯尼亞唔易踢，不過讓平半盤口都算合理，上盤玩得過。 B組蘇格蘭愈踢愈好，呢班波已經全面復甦，之前一直被人低估，由於要保住榜首位置，佢亦係非勝不可，作客格魯吉亞可秤先。另外，D組德國已經提前出線，呢場戰意肯定曳，預計頭勒夫會收起唔少主力，仲要讓波唔抵玩，捷克本身有實力，作客受讓下盤諗得過 蘇烏生死戰大駁火 (2007-10-13) 操盤手密切注視市場動態，對個別球隊及國家隊消息瞭如指掌，擅長吼準公眾盲點製造投注陷阱，屬博彩公司寶貴資產。現時市場流行走地盤，更加考驗操盤手臨場應變能力，一個決定動輒上落過百萬；因此，一流開盤專家相當搶手，出現供不應求情況。 今日分析歐國盃外圍賽B組賽事，蘇格蘭主場迎戰烏克蘭（六）10，兩軍於分組賽極旺細盤，現時細盤賠率偏熱，看來相當合理。不過，今場是關乎雙方出線與否的生死戰，只要其中一方先開紀錄，便必會出現對攻場面。操盤手壓低細盤賠率，只為誘導散戶落注，切忌墮入投注陷阱，大盤現時有超賠率，屬今晚最佳投注對象！（有線足球台61周六晚10直播） 兩軍爭出線踢進攻足球 近期蘇格蘭於歐洲球壇全面復甦，些路迪與格拉斯哥流浪於歐聯有表現，鴨巴甸亦於足協盃殺入分組賽，國家隊亦在歐國盃B組帶出，成績理想。不少蘇格蘭國腳於球會展現上佳狀態，如堅尼米拿加盟打比郡後屢有佳作，對法國奠勝球員麥法頓亦當弗，加上王牌射手基斯保迪，主帥麥利殊前線調配空間頗大，若需強攻時可大派用場。 烏克蘭現時仍有少許機會爭取出線，今場賽事一定要全取三分，所以作客一樣會採取進攻踢法，舒夫真高與禾路連均屬高質射手，於這類關鍵戰役可起作用。今場操盤手按分組賽成績低開細盤，明顯係陷阱，考慮到賽事競爭激烈，建議散戶購入大盤。 肥叔专栏 (2007-10-13) 以色列搶分小心翼翼 克羅地亞炒唔起 今日踢國際賽，近排都冇乜賽事舉行，唔好以為肥叔好清閒，趁呢段難得空檔，肥叔同成班同事開會，研究一近期某不尋常注項，等日後可作針對性部署。今日肥叔心水以歐國盃外圍賽為主，對以色列（六）23最有信心，佢上場畀英格蘭大炒三粒，咁多人睇住佢點輸，散戶肯定一窩蜂追捧對家克羅地亞，但踢波係一物治一物，肥叔睇好以色列反彈。 以色列上場畀英格蘭技術性擊敗，好多人覺得呢隊波唔掂，但肥叔認為只係以色列不擅應付高空波，畀希斯基、米卡李察士等高佬玩謝，今場對住同以地面進攻為主克羅地亞，唔會好似上場咁處於劣勢。 兩次交手克軍僅小勝 事實上，以色列實力被低估，上屆世界盃外圍賽，佢與法國、瑞士同愛爾蘭同組，但仍能保持不敗；今屆歐國盃外圍賽，以色列表現亦唔差，目前僅以3分落後次席英格蘭，出線仲未絕望，兩隊上次交手時，克羅地亞驚濤駭浪險勝四比三，而三年前熱身賽，克羅地亞主場亦只係險勝一比○，肥叔認為呢場克羅地亞讓一球、球半實在太多，以色列要爭出線，呢場唔會畀克羅地亞亂咁。 意大利孤寒波冇鑊氣 除以色列外，格魯吉亞（六）31同蘇格蘭（六）10都係肥叔本日心水，格魯吉亞同意大利實力上雖然有好大距離，但意大利一向鍾意踢孤寒波，兩隊近五次交手，意大利都未試過贏兩球以上，今場讓兩球、兩球半，明顯過多。至於蘇格蘭近期氣勢如虹，門將哥頓大熟大勇，主場更往往打高幾皮波，呢場揀主W。 雷丁大高開嚇鬼照追 (2007-10-07) 上周英超出現罕有大比數賽果，雷丁作客四比七負於樸茨茅夫，雙方均表現失常，今周雷丁主場迎戰打比郡（日）14，各地操盤手竟然一致高開大盤，明顯有心擾亂投注人士思路，現時大盤回報不俗，宜盡早購入。（now 631周日晚９時直播） 雷丁近兩場合共與對手製造十七個入球，單計失球數字已高達十一球，照操盤手慣常做法，應順理成章調低大盤賠率。不過，從歐洲博彩公司初盤所見，大盤賠率比細盤更高，明顯屬超賠率，馬會亦開出類似賠率。球隊賽績支持開大，但大盤賠率卻過高，令投注人士難以作出判斷。 打比郡作客平均失四粒 當面對這種情況，該撇開賠率獨立分析，雷丁賽績旺大，打比郡聯賽作客四戰失十六球，平均每場失四球。數據顯示，兩支球隊防線同樣出現問題，大盤賠率吸引值得一試。 肥叔专栏 (2007-10-07) 豆腐防線執極唔掂 富咸要睇大夫 今日場面熱鬧，連英超都有八場，同時段又撞埋意甲，投注額肯定高，肥叔同好多球迷一樣，以興奮心情迎接今晚連場激戰。意甲場外因素太多，開鑼冇耐不宜作重心場次，所以肥叔今日投注策略以英超同西甲為主打，阿仙奴（日）6同利物浦（日）27踢完歐聯，今晚讓得太辣都可捧對家，尾場富咸對樸茨茅夫（日）44則係大盤格。 阿仙奴季初狀態弗，主場全勝，計埋其他盃賽，連勝紀錄已增至九場，不過今晚主場對新特蘭，主W賠率熱到得1.18倍，外地亞洲盤更讓至兩球，真係熱得過分。阿仙奴剛踢完歐聯，仲要作客到羅馬尼亞，早場賽事未必可回得切氣，而且雲格亦會因應對手較弱，收起個別主力，今仗要大勝對手三球談何容易？ 肥叔心水基金 
新特蘭遇強有辦法 新特蘭實力雖然唔算強，但肯定比慘吞阿仙奴六蛋打比郡好得多，何況領隊堅尼出名鬥志好，新特蘭對住強隊打穩守突擊戰術，唔係完全冇得打，之前對利物浦、曼聯都唔係一面倒，僅以一、兩球落敗，今季亦曾四次九十分鐘入波，可見呢隊波戰意旺盛。 利物浦讓熱刺一球亦離譜，熱刺係英超BIG4以外最強球隊，即使近期狀態麻麻，但爛船都有三斤釘，領隊祖爾危在旦夕，今場會同利物浦搏命，受讓一球咁多，下盤有好大投注空間。 至於富咸主場對樸茨茅夫，大盤係最佳選擇。樸茨茅夫上場贏雷丁七比四，攻力旺盛，而富咸亦係一支攻強於守球隊，後防充滿漏洞，但卻有一定攻力，今季八場賽事，有六場開大，仲開過兩次三比三波膽，兩隊今仗大踢性感足球，可謂一拍即合，係開大保證。（now 631周日晚11時10分直播） 布城主場翻身趁早入貨 (2007-10-06) 今晚英冠布里斯托城主場對錫菲聯（六）45，雖然主隊的不敗紀錄已被打破，但因季初表現實在出色，行家仍對這支前列球隊極之信任，預計布里斯托城可以重新振作，在主場擊倒錫菲聯，平手盤捧主隊坐和望贏，幾值得投注者趁早入貨。（now 898周日凌晨零時20分直播） 布里斯托城上輪聯賽以○比三敗給班士利，不少操盤師都覺得是意外戰果，因從賽績上顯示，布里斯托城無論在盃賽及聯賽都未曾失多過兩球，強如英超球隊曼城也只能以二比一僅勝。既然上次落敗只是一場意外，而且布里斯托城今季主場表現穩定，相信意外不會再次發生於他們身上。 錫菲聯作客敗率高 錫菲聯這支英冠下游球隊，聯賽作客落敗率高達百分之七十五，加上作客平均失球超過兩個，賽績太差難令投資者對他們有信心。另一方面，錫菲聯最近五次作客布里斯托城都落敗收場，總不相信錫菲聯可在劣勢下打破數據。 客軍受多重不利因素纏擾下，投資者不宜對他們有任何憧憬。基於布里斯托城讓球盤處於低水位，不排除會於短期內由平手盤轉到主隊讓平半，因此建議投資者盡快吸納平手盤，以免影響取勝機會。 肥叔专栏 (2007-10-06) 贏完利物浦士氣大振 馬賽朝聖有分落袋 前晚歐洲足協盃爆到七彩，唔少大戶一早收到風，重注加拉塔沙雷同蘇黎世都得手。首回合意外落敗加拉塔沙雷，返到主場讓得辣依然大勝；安玻里擺明冇心踢足協盃，半放棄下如願輸○比三出局，兩場波莊家都輸大錢，所以話足協盃要兼顧範疇實在太多，除球隊實力，出場陣容、爭勝意向同飛數變動都要吼到實。 雖然周四晚戰果咁唔尋常，但對好多投注者講，今日先係投注關鍵，因為聯賽穩定性較歐洲賽事高，只要吼準條路，好容易揀到重心場次。今晚肥叔最有信心係馬賽（六）43同比勒費爾德（六）9，馬賽歐聯剛擊敗利物浦，士氣大振，目前法甲僅排十六位，搶分戰唔衰得。 肥叔心水基金 
比勒費爾德博反彈 馬賽上季勇奪歐聯資格，但季初表現欠佳，開咧九戰僅贏一場，成績令人失望，不過呢隊波人腳唔差，只係球員未踢番起信心，經過歐聯爆大冷贏利物浦後，今仗作客聖伊天有力搶分，受讓平半抵玩。 德甲比勒費爾德亦好路，對手漢堡周五凌晨先踢完足協盃，周六又要踢聯賽，對佢講相當吃力，何況今場仲要作客，讓波簡直係大忌。比勒費爾德上場以一比八慘敗於雲達不來梅腳下，今場肯定好多人都買佢對家，不過踢波一場還一場，上場慘敗，反而會激起球員爭勝決心，番主場係時候交代，受讓平半值博率高。 另外意甲阿特蘭大主場對烏甸尼斯（六）44，平手盤亦睇好主隊，烏甸呢隊係蠱惑波，對弱隊冇貨交，對強隊就料，上場臨完場贏帕爾馬，幸運成分好高，表現唔係特別好，阿特蘭大專靠主場搶分，今季兩場主場贏晒，平手盤值得追多鋪。 華拉度列梅西亞大火併 (2007-09-30) 截至目前為止，今季西甲入球大細比率約為五五之比，不過，大盤賠率往往被莊家抬高，水位長期高企，除皇家馬德里、巴塞隆拿及西維爾等名牌球隊外，其餘場次大盤多數有２倍以上，回報相當理想。 今晚華拉度列主場迎戰梅西亞（日）31，兩支升班馬將合演「六分波」賽事，大盤賠率吸引，屬理想投注對象。（周日晚11時開賽） 「六分波」賽事隨時對攻 西甲入球大細分布接近，但如果有留意西甲大細賠率，便會發現莊家往往抬高大盤賠率，以今晚八場西甲賽事為例，大盤賠率全部比細盤高。操盤手將大盤賠率調至接近高水，目的為混淆投注人士視線，從而協助公司獲利。 今晚華拉度列主場對梅西亞，單以賽績分析，梅西亞聯賽作客八成開細，現時大盤冷至2.15倍屬合理盤口。不過，今場賽事屬兩支升班馬對決，大家都以對手為護級敵人，「六分波」慣性爭持激烈，一旦其中一方打開紀錄，便會掀起對攻場面，極有機會大手交易。 現時歐洲大盤平均賠率接近2.1倍，與馬會相當接近。華拉度列聯賽失球數字高，防線明顯出現問題，此為開出大盤另一有利條件，今場建議持有入球大。 肥叔专栏 (2007-09-30) 南方實力股東山再起 拿玻里趁熱追捧 今日係女子世界盃決賽，今屆賽事空前成功，無論從賽事觀賞性、球迷熱情度甚至投注額，都比預期中理想，內地將呢項大賽搞得有聲有色，肥叔亦大感欣慰，今日場決賽肯定全球矚目，肥叔亦湊一湊熱鬧，推介巴西（日）６下盤畀大家。 肥叔今屆女子世界盃收穫甚豐，女子足球世界，強隊同弱隊實力分野大，經常出現優勝劣敗情況，而當某方打破缺口之後，入球就會隨之而來，可放心追大盤，故從投注角度而言，非常好賭，不過今日場決賽，絕對稱得上係勢均力敵，巴西球員技術好，踢法比較個人化，而德國整體配合則較佳，故巴西受讓平半，值得捧場。 肥叔心水基金 
閉門追打熱拿亞 意甲拿玻里（日）21亦係肥叔心水，呢支昔日班霸，全盛時代曾經有馬納當拿、加拉加及蘇拿等球星，但光輝過後一度淪落到踢丙組，拿玻里今季捲土重來踢得有聲有色，除開咧南部大戰不敵卡利亞里外，之後四仗取得三勝一和佳績，呢支南部球隊主場一向惡，今仗雖然係閉門作賽，但佢以往經常出現類似情況，故冇球迷入場支持唔會構成影響，今仗只係對熱拿亞，可繼續追捧。（周日晚９時開賽） 科特布斯可反彈 德甲科特布斯亦可留意（日）33，佢上場畀拜仁慕尼黑大炒五比○，好多人都怕佢，不過通常大敗過後，返主場都會大打爭氣波，佢今仗有新練普拉斯尼卡領軍，新帥效應下對住實力平平法蘭克福，平手盤抵玩。 曼城主場全勝繼續 (2007-09-29) 現代足球防守觀念不斷提升，要在高水平賽事突圍，必須擁有一級防線。名牌主帥艾歷臣今季接掌曼城（六）9，第一步是提升防線穩健度，球隊於主場成功做到這點，聯賽三戰不失球全勝，水準極高，今周主場迎戰紐卡素讓平半，可持有上盤。（now 632周六晚7時45分直播） 曼城主帥艾歷臣季前引入艾蘭奴、路蘭度比安基及馬田柏杜夫等高質攻擊球員，同時主力執好防線，他將米卡李察士移入中路拍鄧尼，中路高度與速度兼備，右閘重用克羅地亞高大守將哥魯卡，效果理想。季初球隊主場三戰全勝一球不失，顯示艾帥已成功調校防線，加上極具威脅的反擊，可繼續於主場有穩定發揮。 紐卡素缺奧雲作客不樂觀 紐卡素今季由新帥艾拿戴斯領軍，戰績即時提升，目前位列聯賽榜第五位，成績不俗，但計質素同一線球隊始終仍有距離，特別在五五波場合，不宜在投注上過分憧憬。由於奧雲要進行手術，紐卡素今仗將以維度卡夥拍馬田斯攻堅，兩人欠缺默契，更難攻破對手穩健防線，作客應戰殊難樂觀。 在艾歷臣領導下，曼城整體合作十分純熟，球員遵守紀律，成功踢出隊形，已成為英超新興勢力，挾主場全勝佳績，讓紐卡素平半屬合理盤口，上盤值得捧場。 肥叔专栏 (2007-09-29) 護級三大優點俱備 新特蘭肯搏有回布 日前有報道話大中華區每年投注額約七千億港元，呢個數字實在太低估現今博彩市場潛力，據肥叔保守估計，大中華區每年投注額約有三萬億至三萬五千億元，而且投注額每年有增無減，係一門愈滾愈大生意。講番今日波，重心係英超新特蘭（六）20，平手盤值博率高，可增加投注比例。 新特蘭今季升班目標好鮮明，就係保留英超席位，呢隊波實力唔算強，但勝在有三大優點，首先係鬥志好，領隊堅尼球員時代已經係拚命三郎，所以佢挑選球員拚勁都特別好，踢波技術唔好唔緊要，最重要係將勤補拙，牌面較低新特蘭做到最基本呢點。 肥叔心水基金 
布力般衰在踢得太密 其次係新特蘭防守能力唔錯，由於對手實力強過自己，佢大部分時間都處於劣勢，如果防守唔好，連反擊機會都冇埋，新特蘭以破英超轉會費紀錄羅致蘇格蘭門將哥頓，令球隊無後顧之憂，絕對係明智之舉。 最後係主場踢高幾皮波，弱隊搶分往往靠主場，如果主場都搶唔到，作客更加冇機會。新特蘭季初基本上做到呢三點，今季護級亦露出曙光。 肥叔雖然都好欣賞布力般流浪，但佢近期實在踢得太密，經過聯賽連贏六個盤後，上場聯賽對樸茨茅夫終於獲利回吐，布力般最大問題係兼顧太多賽事，周中聯賽盃對伯明翰雖然贏波，但亦係派強陣出擊，下周中又要踢歐洲足協盃，由於布力般首回合作客土耳其落後兩粒，下場唔搏唔得，如果唔係提早開操踢圖圖盃心機就會毀於一旦，新特蘭卻可以專心搶分，呢個平手盤真係坐和望贏。 比勒費爾德大踢開放足球 (2007-09-26) 德甲近兩季大細分布平均，接近五五之比，不過今季季初突然吹「大」風，現時大盤率超過六成，入球數字提升，令賽事娛樂性大增。德甲周中開快車，比勒費爾德（三）17今季改踢開放式足球，得、失球數字大幅上升，今晚主場對漢諾威，可以購入大盤。（周四凌晨2時開賽） 比勒費爾德季初表現出色，曾一度進佔聯賽榜次席，水準突飛猛進。球隊今季鋒力增強，主場三戰攻入八球，入球數字非常理想；射手域尼亞列及艾格拿發揮穩定，兩人合共攻入七球，屬可靠鋒線組合。球隊改打進攻足球，防線多空位，失球數字亦大增，直接提高大盤率。今季比軍聯賽六戰五「大」一「細」，大盤率逾八成，值得跟進。 漢諾威防線唔掂 漢諾威今季防線演出欠穩，聯賽六戰失十二球，平均每場失兩球，數字反映其後防有檢討必要。球隊擁有德國邊緣國腳射手漢基，他於今季已取得四個聯賽入球，表現頗佳，今仗將對比勒費爾德後防構成極大威脅。目前歐洲博彩公司普遍低開大盤賠率，部分莊家更將中位數調整至3球甚至3.5球，反映大盤備受注視，可視作穩健投注對象。 肥叔专栏 (2007-09-26) 人馬疊疊鎖定目標 熱刺搶盃搵米 肥叔唔只一次講過，參與足球博彩最緊要公平，所以不嬲鼓勵大家玩四大聯賽。博彩市場商機無限，同時吸引不法活動，除東歐波多古怪賽事，今時今日連南韓聯賽都變晒質，公信力好低，東南亞好多人背後做，甚至出現「指定賽果」，呢波對投注人士毫無保障，玩唔玩都罷！ 上周中歐聯生意好到不得了，跟住聯賽投注額更打破唔少紀錄，內地經濟愈來愈好，流入博彩市場資金亦愈來愈多，今日撞正中秋假期，投注額隨時再創紀錄。中秋節邊賞月、邊睇波，的確係雙重享受，不過，肥叔提醒大家，足球博彩只屬娛樂性質，千祈咪孤注一擲。今日睇好熱刺（三）44，爭盃目標明確，主場對米杜士堡可捧！（周四凌晨3時開賽） 肥叔心水基金 
出副選都秤贏米堡 熱刺開季大脫腳，季前幕後人本來諗住有機爭聯賽，依家大概知道自己定位邊，季內目標會改為爭取歐聯席位，同時會專攻盃賽。呢隊波人腳好齊，迪科爾連後備都冇得打，就知佢軍容有幾龐大。今次對住米杜士堡，肥叔估計佢唔會「夫添」踢，相信對手亦一樣，齋秤二線兵質素，呢場肥叔必捧熱刺！ 華倫巴塞讓得辣高危 今日德甲、西甲同意甲齊開快車，名牌球隊打完歐聯，咁快就要連打兩場聯賽，表現肯定會下滑。華倫西亞（三）15近排贏得好水，係歐聯後遺症高危分子，對住基達菲讓到一球太多，呢場下盤抵玩。另外，巴塞隆拿近期硬仗連場，剛戰硬撼完西維爾，咁快又對住另一隊硬薩拉戈薩（三）49，讓到球半離晒譜，下盤值得捧場。 波爾多聯賽作客旺「細」持續 (2007-09-23) 歐洲足協盃賽事水準參差，歐洲主流聯賽球隊往往能製造大比數戰果，但返回聯賽時，由於賽事水準有別，有關賽績參考價值不大。波爾多上周四作客與譚柏利大手交易，容易混淆投注人士視線，其實球隊聯賽作客極旺細盤，今晚作客巴黎聖日耳門（日）39，建議購入入球細。（周一凌晨零時開賽） 波爾多上場於足協盃反勝譚柏利，射手卡雲拿基梅開二度協助球隊在首回合贏波。剛戰是波爾多今季首度攻入三球，一眾攻擊球員似乎狀態甚佳，不過這個賽績其實存在疑點，譚柏利只屬歐洲三、四線球隊，在其身上攻入三球不足為奇，另外卡雲拿基今季於聯賽未建一功，反映其級數在法甲只屬一般，不能因一場賽績而高估球隊攻力。 今晚波爾多面對巴黎聖日耳門，對方防線穩健程度遠勝譚柏利，要再取得數個入球機會不大。今季波爾多聯賽作客四戰入四球失一球，平均每場只入一球，失球數字極低，這個數據極具參考價值。經過足協盃賽事後，可以預期波爾多球員體力會有所下降，客場上陣不會太進取，料會繼續以穩健踢法應戰。 賠率反映莊家信心 目前普遍莊家低開細盤賠率，大部份都在1.5倍以下，反映操盤手並不看好今場賽事會開「大」，預計總入球數字只得一至兩球，細盤可作為全日投注重心。 肥叔专栏 (2007-09-23) 足協盃大勝振士氣 熱刺追收保費 尋日提過足協盃蠱惑多，如非去到八強同較後階段，咪作投注重心，因為保障不足，隨時輸得不明不白。賭波最緊要公道，四大聯賽制度好，透明度高，公信力夠，買落去都放心。玩東歐波睇蠱惑，玩英超要搵數盤，保頓今季沉晒，平手盤捧熱刺（日）26！（now 634周日晚10時直播） 肥叔心水基金 
保頓跌Watt咪憧憬 保頓今季冇艾拿戴斯，成隊波已經走晒樣，聯賽淨係主場贏過雷丁，其餘賽事全部輸波，已經不能同舊日相提並論。熱刺本身班底好，照秤根本有力挑戰前四，季初大脫腳，近況開始好番，日前足協盃大勝希臘球隊安羅科薩斯，成班波信心返晒，今場對住保頓唔使讓波，平手盤肯定要番熱刺。 今晚英超矚目大戰，車路士現時群龍無首，睇早盤情況，好多細飛落，大部分聚晒落曼聯。呢場波吸引力極大，預計會成為今季開咧後最多人玩，單場投注額最高賽事，以現時走勢睇，曼聯（日）28主勝仲有下調空間，現時讓平半好抵玩，有機會跌到落半球，上盤可以捧場。 布力般主場有計 再睇其他場次，布力般流浪（日）25主場對樸茨茅夫，布力般今季表現穩定，上場足協盃輸波做完調整，今次返到主場出擊，呢場可以秤先主隊。另外，川迪（日）15今日主場對住奈梅亨，早餐盤有大戶入貨玩細盤，亦可以跟進。 科特布斯係時候開齋 (2007-09-22) 德甲科特布斯及羅斯托克今季都未開齋，相信好多球迷都對呢兩隊失去信心，但在操盤手立場來說，絕不會睇小任何一支球隊。尤其現時只是季初階段，許多球隊仍有時間作出改善，就好似（六）10 科特布斯主場對禾夫斯堡，前者好有機會今場打開勝利之門，平手盤令到科特布斯更具博彩價值，屬嬌娃是日專業推介。（周六晚9時30分開賽） 禾夫斯堡連敗降評級 科特布斯雖然未開勝門，但其實整體表現唔算太差。就最近一次主場賽事而言，科特布斯表現絕不比紐倫堡差，兼且曾在上半場取得領先優勢，但因末段欠集中力，至被紐倫堡幸運地扳平。經過該場訓，科特布斯一定會打醒精神，以免對手乘虛而入。最近一次對賽科特布斯就主場以三比二擊敗禾夫斯堡，今次禾夫斯堡再次作客比賽，球員在心理上必受影響。 禾夫斯堡暫時在聯賽只得一勝，成績只稍好過科特布斯，而最近兩場分別不敵卡爾斯魯厄及哈化柏林後，令球隊評級進一步被調低，以操盤手慣常手法推斷，開出平手盤說明今場禾夫斯堡好難在客場打低對手。 肥叔专栏 (2007-09-22) 主場曼城唔使讓波 富咸睇住食超值 歐聯首輪賽事投注額分分鐘高過英超，前日足協盃賽事情況唔同，市場飛數變動大，部分場次來回差幾個盤，安玻里初盤讓一球，臨場有公司開平手，最後反而贏波，夠晒蠱惑！肥叔一再強調足協盃係人搵食場合，宜忍手！今日重心係富咸（六）50，主場對曼城唔使讓波好數，要主隊！（now 632周日凌晨零時15分直播） 富咸人腳唔曳，主場出戰特別有威力，前仗劣勢下逼和熱刺，表現有目共睹。論名氣呢隊波真係冇乜，勝在夠實際，而且往往畀人忽視，所以經常有超賠率。今次佢主場對曼城，目前大部分莊家開平手，呢個盤口對富咸非常有利，須知曼城同屬主強客弱球隊，作客冇得受讓好蝕底，富咸坐走望贏格，超值！ 肥叔心水基金 
名牌讓得過火捧對家 另外，歐聯打完之後，強隊容易出現後遺症，讓得太辣可以反。利物浦周中作客波圖下半場打少個，體力消耗大，加上現時傷兵多，主場對伯明翰（六）17 讓到球半、兩球根本離晒譜，下盤捧得過。史浩克04（六）14，季初狀態好普通，今晚主場對比勒費爾德讓到一球、球半，玩下盤啦！帕爾馬（六）63 作客AC米蘭情況一樣，受讓球半亦係下盤格。 雷丁（六）19 主場有惡氣，聯賽連輸三場後對住韋根係時候反彈，呢個上盤值得留意。烏甸尼斯（六）49 上周作客贏祖雲達斯，呢場績認真犀利，今晚主場對里賈納可添食，主W穩陣。 流浪讓波高估 (2007-09-19) 今日繼續同大家講歐聯，揀場格拉斯哥流浪主場對史特加（三）12同大家分析。蘇格蘭球隊歐洲賽主場數據甚強，但今仗對手係上季德甲冠軍史特加，讓波未免超於現實，有時操盤手開盤，必須結合數據同實際情況，今仗主流博彩公司均開出流浪讓平半盤口，明顯高估流浪，同低估史特加實力，建議持有下盤。（周四凌晨2時45分開賽） 蘇超波高唔過德甲 蘇格蘭球隊主場成績佳係不爭事實，該隊於○三年歐聯分組賽，便曾藉主場之利擊敗史特加，但開盤有時唔可以盡信數據，史特加貴為上季德甲盟主，實力較幾年前強得多，流浪則多年與聯賽錦標無緣，須知德甲與蘇超水準相距甚遠，史特加本身實力已稍高，加上球員又年輕當打，剛於聯賽大勝增添信心，流浪今仗讓波，只係過往數據對佢有利，但呢個「慣性」未必可套用今場身上。 事實上，流浪主場勝率亦唔算高，以○五至○六年歐聯為例，流浪該屆與波圖、柏沙卡及國際米蘭同組，歷史性打入十六強，但六場分組賽之中僅贏到一場，七分能夠出線，相信係近年最低一次。 而流浪今屆能夠打入三十二強分組賽，其實頗夠運，除外圍賽兩圈對手薛達同貝爾格萊德紅星實力較弱，對紅星更陷於苦戰，今仗對實力強橫史特加相信會見底。 肥叔专栏 (2007-09-19) 到訪地獄球場冇中堅撐 國米畀硬過路費！ 周一晚英超獨腳戲打比郡對紐卡素，打比郡未開齋排包尾，紐卡素則不敗，加上奧雲效應，散戶一面倒追捧紐卡素，由半球打到落半一，不過肥叔一早睇好下盤，畢竟打比郡要靠主場搶分護級，而紐卡素作客讓波之餘又聚晒飛，幾乎犯晒所有博彩大忌，結果唔少散戶都重傷！ 今日先講女足，肥叔今屆女子世界盃成績相當不俗，挪威女足（三）2場波雖然改期，到星期四先至打，肥叔仍然優先推介。挪威依家C組與澳洲同得四分，若齊齊贏波，隨時要以得失球決定邊隊首名，照目前形勢睇，巴西極可能D組首名出線，兩隊都想爭首名避開巴西，所以挪威必定會出全力大炒魚腩加納，讓得辣都唔怕，上盤同大盤都玩得過。 肥叔心水基金 
燕豪芬搞得掂陸軍 歐聯重心係費倫巴治（三）10，國際米蘭季初表現麻麻，主要係後防幾件主力捷禾、馬特拉斯同森美爾受傷，搞到連中場甘比亞素都要客串踢中堅，由於國米有後顧之憂，連前線球員都踢得冇咁放，今仗作客地獄主場，作客讓半球真係相當牙煙。由薛高執費倫巴治，實力有番咁上，陣中主力好似卡路士、艾比亞都見慣大場面，呢組唔係魚腩，主場受讓捧得過。（周四凌晨2時45分開賽） 另一場燕豪芬（三）11亦好路，燕豪芬近年歐聯表現相當出色，上屆亦打入八強，練朗奴高文作風務實，好適合歐聯戰場發揮，莫斯科中央陸軍唔係曳，但東歐球隊作客始終差，呢場捧主隊好正路。 羅連安特持續回吐 (2007-09-16) 股票市場時有細股價暴升，但未能突破阻力位，最後出現跌勢。足球博彩界亦有相似例子，弱旅季初憑氣勢連番贏盤，但處高位欠缺承托，便會逐步回落。羅連安特季初升勢強勁，但近期顯著放緩，今晚於主場面對平穩上升的雷恩（日）34難讓平半，建議持有下盤。（now 826周一凌晨零時直播） 羅連安特上季只屬法甲下游球隊，今季初突然呈現強勢，首四場賽事三勝一和，曾作客擊敗巴黎聖日耳門，以及在主場挫敗里昂。不過，球隊近三場兩和一負失七分，明顯於高位遇上阻力。另外，射手沙爾菲因傷上陣成疑，今季他取得四個入球及三個助攻，如未能披甲，球隊跌勢難止。 雷恩作客未輸過 雷恩去季尾以強勢衝刺，最後到第四位取得歐洲足協盃參賽資格，成績非常理想。球隊自開鑼日負於南錫後，已保持六場不敗，戰績穩步上揚，以現時走勢看，有機會在短期內上番前四位置。今季球隊成功引入前法國國腳韋托特，整體實力不俗，預計仍有上升空間，可繼續跟進。另外，雷恩今季客場聯賽三戰不敗全贏盤，今場受讓平半有利，下盤屬穩健投注對象。 肥叔专栏 (2007-09-16) 歐聯前夕狙擊名牌 巴塞作客最好反 近期女子世界盃掀起投注熱潮，投注額超乎好多行家預期，可能同呢項賽事好多國家都有直播，又投注風氣熾熱中國舉行有關。經過頭兩日頻開大盤後，前日四場分組賽全開細盤，一班跟風又欠分析能力散戶中晒招，莊家自然賺到笑呵呵，肥叔都係句，賭波最棹忌跟風，人買你又買，真係多多都唔夠輸。 足球博彩係長線投資，一兩日輸贏唔緊要，最重要係唔好因為想追數而自亂陣腳，緊自己宗旨，咁好快就可以收復失地。由於周中上演歐聯分組賽關係，今日歐聯球隊作客讓波真要小心，巴塞隆拿作客奧沙辛拿（日）44，讓到一球真係過晒火，奧沙辛拿一向以防守硬淨見稱，穩守突擊最拿手，記得巴塞上季作客都係同佢打成平手，今仗讓到一球咁多，只係名牌效應，加上美斯又未必出得，下盤好穩陣。 肥叔心水基金 
羅馬國米讓過火 另兩支參加歐聯球隊，羅馬（日）19同國際米蘭（日）15亦有暗湧，羅馬季初兩連勝，但實力並非想像般強，里賈納上季主場表現有目共睹，受讓半一抵玩，至於冕冠軍國際米蘭，多名後防主力如馬特拉斯、森美爾同捷禾同時受傷，防守力大受影響，今場要讓兩球咁多，點開上盤呀！ 德甲方面，哈化柏林（日）29係肥叔季初經常狙擊球隊，呢隊波成日掛住個名，但表現同名氣唔成正比，故捧佢對家成日都有收穫，加上佢不擅作客，對上兩次客場都輸晒，杜伊斯堡平手盤捧得過。 比勒費爾德主勝趁早入 (2007-09-15) 近年來德甲投注總額都處於高位，從某些操盤手口中得知，因有多場德甲都安排於香港時間周六晚上進行，令大中華地區球迷有足夠時間分析及投注，投注額自然高。今次同大家分析（六）17比勒費爾德主場對羅斯托克，羅斯托克暫時是Samvo評級最低一支德甲球隊，預計佔主場之利的比勒費爾德可取得三分，投資者大可持有「主勝」。（周六晚９時30分開賽） 羅斯托克評級負面 羅斯托克之所以評級偏低，與他們四場德甲全敗有好大關係，他們在首場比賽對拜仁慕尼黑淨吞三蛋可以理解，但及後面對紐倫堡、法蘭克福及多蒙特都全失三分，已令球隊綜合評級偏向負面。憑經驗得知，評級走到負面後，很難在短時間之內轉正，今次要作客比賽情況將更差。 比勒費爾德經過四場聯賽後已打入積分榜前列，狀態比上季提升得更快，上輪比賽作客以○比三不敵杜伊斯堡只是失準之作，今次返回主場比賽可打回應有水準，據悉已有許多大戶大手吸納「主勝」，以防莊家調低比勒費爾德贏波賠率繼而影響回報率，故奉勸各位投資者亦應緊隨大戶步伐盡早入貨。 肥叔专栏 (2007-09-15) 英超盤王密密食 布力般今晚截車 上周末同周中國際賽，好多大戶都損失慘重，重點出擊幾場都失利而回，傷亡最慘重要數法國對蘇格蘭，大戶走地盤分段入貨追上盤，最終法國竟然主場爆大冷輸畀蘇格蘭，所以話國際賽變數大，涉及單位又多，操盤師真係稍一分神都唔掂，不過今日玩番聯賽，肥叔好有信心幫大家贏番餐茶，布力般流浪（六）53、拜仁慕尼黑（六）16同燕豪芬（六）56都玩得過。 布力般流浪近幾季愈踢愈好，以往畀人印象可能體力化同粗野，但經過領隊曉士改造後，已逐漸變成粗中帶幼，加上前線有麥卡菲、辛達告魯斯等可靠射手，布力般今季排名有望更上一層樓，佢今季聯賽踢四場，取得兩勝兩和成績，如果從盤路計，四場盤都贏晒，成為英超盤王。車仔季初表現唔係好，今場仲要讓一球、球半咁多，下盤布力般好穩陣。而另一場英超韋斯咸（六）24亦開始上力，加上主力復出，主場可勝米杜士堡。 肥叔心水基金 
燕豪芬大戶早入貨 另一場心水係燕豪芬，荷甲一向由幾支傳統勁旅玩晒，淨係睇番對賽成績，燕豪芬近三季對維迪斯全部贏晒，而且好多時大炒，就知荷甲水準幾咁參差，由於數據宿命實在太強，好多大戶都提早入貨，某大戶早兩日已經投注七位數字注碼，搞到上盤即刻跌晒水，正所謂英雄所見略同，肥叔呢場都睇好上盤。 德甲拜仁慕尼黑亦係不容錯過，今季德甲聯賽冠軍相信係拜仁囊中物，就算對住前列球隊都好有把握贏波，尤其係上場作客畀漢堡逼和後，呢場更需要全取三分，球會季初已定下主場全勝目標，冇理由去到第三場主場就斷纜，呢場上盤同主W都好穩陣，讓得辣都唔怕。 愛爾蘭讓球客勝超兩倍速入 (2007-09-12) 經過上周一輪歐國盃外圍賽賽事後，不少組別的出線形勢已漸見明朗，故往後賽事大家會更易於把握，屬入貨好時機。（三）20捷克對愛爾蘭是D組最關鍵一戰，縱然市場普遍睇好捷克，但審慎考慮之下，捷克只要賽和已站於非常有利之位置，「讓球客勝」有過兩倍回報，值得投注。（有線球彩台64周四凌晨2時30分直播） 現時D組德國領前捷克五分之多，以廿二分一枝獨秀，出線權穩如泰山，同時因為斯洛伐克上周未能擊敗愛爾蘭，似乎亦難爭取另一出線席位。剩下的捷克與愛爾蘭，今場猶如生死戰，愛爾蘭領隊史當頓亦指出今仗非勝不可，因球隊落後對方三分，今回是最後一次雙方對賽，要追分這是唯一機會。 捷克和都掂爭勝心不足 至於主隊捷克，基於分數上領先愛爾蘭，而兩軍在餘下賽程中都須再與德國交鋒，在機會均等的形勢下，捷克今場只要和波繼續保持優勢，基本上等同贏波無異，故其心態上沒有非勝不可的決心，相比之下，愛爾蘭「讓球客勝」似乎更值得投資者入貨追捧。 肥叔专栏 (2007-09-12) 首循環和波累街坊 比利時補飛作客開薩戒 今晚有多場歐國盃外圍賽進行，睇番上周末歐國盃投注額，數字唔算好理想，一拍埋聯賽度更加高下立見。數字反映依家投注人士比較專注玩聯賽，國際賽事受歡迎程度只係一般，呢個亦係現今博彩市場大趨勢。而肥叔今日睇好比利時（三）5，因為對手哈薩克係亞洲水平，比利時正處復甦期，作客都贏得。（周三晚11時開賽） 哈薩克首循環作客悶和比利時，爆個驚人冷門，當時累到唔少散戶斷熱Ｗ，絕對係一鳴驚人。哈薩克轉戰歐洲後，水平同人差一大截，呢班波只屬亞洲水平，上次爆冷似有「符碌」之嫌。事後睇番，其實比利時陣正值低潮，但係球隊上場贏塞爾維亞，明顯有復甦之勢，今次有晒心理準備，誓要報番上次唔見兩分之辱，所以肯定會大打真軍以補償支持者上仗損失，呢個客Ｗ夠晒穩陣。 波蘭斯洛伐克有計 波蘭（三）8上場作客逼和葡萄牙，絕對係超水準演出，今次作客芬蘭有計。芬蘭上場作客逼和塞爾維亞，成場波畀對手狂攻，全場得一次射門，根本唔值得一分，班波踢得咁曳，主場都信唔過，平手盤波蘭係信心之選，可以補多注細盤。斯洛伐克（三）9主場表現向來有保證，威爾斯冇傑斯散晒，呢場主勝穩陣。 再睇埋B組兩場波，法國（三）26主場要讓蘇格蘭球半，意大利（三）24作客都讓烏克蘭半球，兩場波都係生死戰，兩隊名牌讓到過晒火，可以齊齊揀晒下盤。 華斯高平手盤有買趁早 (2007-09-08) 南美區有不少國家或地區聯賽都去到最後階段，其中巴甲只剩餘最後三分之一賽事，有目標球隊必在此時發力，盡力保持有利位置。（六）28華斯高主場對聖保羅，兩隊取勝賠率極之接近，前者明顯受到操盤手重視。依賠率所示今場華斯高有一定勝機，投資者應盡早購入前者平手盤，以換取更佳回報。（now 633周日凌晨３時直播） 現時排行第四的華斯高，爭標機會似乎不大。但要留意球隊如能保持聯賽頭四位過終點，便可獲取南美自由盃參賽資格，形勢上迫使華斯高今場不能鬆懈。而且華斯高主場表現穩定，聯賽十一次主場迎敵取得九勝兩和不敗。 聖保羅雖是巴甲作客成績最佳球隊，但上輪作客中游球隊明尼路只能打和○比○，令操盤手質疑球隊狀態是否回落。況且聖保羅已拋離第二位高士路九分，仍有失分空間，作客打硬仗決心較低，今場勝機及不上華斯高亦好正常。建議追開聖保羅的投資者，還是待他們返主場時再重新押注。 肥叔专栏 (2007-09-08) 「三蘭」讓得辣唔怕跟 克羅地亞大戶至愛 上月國際熱身賽，肥叔成功貼中多場冷門，不過今次大部分係歐國盃外圍賽，而且去到白熱化階段，肥叔相信會出現優勝劣敗局面，好似「三蘭」蘇格蘭（六）５、烏克蘭（六）10同北愛爾蘭（六）15均需要搶分，馬會分別開「讓球主客和」或「讓球盤」，讓得多都唔怕捧，而大戶至愛竟然係讓到兩球、兩球半克羅地亞（六）20上盤！ 國際賽實力較為懸殊，尤其係去到出線關鍵時刻，強隊認真作戰，爆冷場面相對地較少，即使部分場次盤口較辣，投注者亦可放心大膽揀上盤。以蘇格蘭、烏克蘭為例，對手立陶宛同格魯吉亞近年外圍賽都屬陪跑分子，去到重要關頭，無論經驗同爭勝心都輸晒，好容易鬆懈，畀對手有機可乘。 肥叔心水基金 
北愛有料作客照捧 拉脫維亞主場對北愛爾蘭，球隊自從○四年打入歐國盃決賽周，之後水準極速滑落，世界排名已跌至一百一十位，反觀北愛世界排名近年狂升九十幾位，係全球進步幅度最大球隊，作客雖然要讓平半，其實相當值博。 至於今日大戶至愛係克羅地亞，克羅地亞依家雖然Ｅ組排榜首，但同組俄羅斯、英格蘭同以色列都有出線機會，故今仗對住「魚腩」愛沙尼亞不容有失，記得愛沙尼亞國家隊前幾年過香港踢熱身賽，都係險勝二比一，實力同歐洲一線球隊有好大距離，加上呢隊波唔鍾意死守，故近年對住稍有實力球隊，都完全無還擊之力，畀對手「住搶」，克羅地亞上盤市場上渴求相當大，就算讓到兩球、兩球半，一樣大把人掃貨，呢場上盤同大係肥叔信心推介。 荷蘭贏波輸盤格 不過部分實力接近場次，肥叔就揀番下盤，就好似意大利對法國（六）25，呢場係○六年世界盃決賽翻版，法國受讓幾時都咁吸引；至於保加利亞同荷蘭（六）21水準亦相距唔遠，保加利亞近年進步好大，荷蘭今仗主場讓到一球、球半咁多，操盤師似乎低估保加利亞實力，荷蘭大有機會贏波輸盤。 尼斯以逸待勞撐上盤 (2007-09-02) 開季一段時間，不少球隊要兼顧聯賽及歐洲戰線，容易出現歐洲賽後遺症，投注前要特別注意。今晚法甲尾場賽事，朗斯作客尼斯，朗斯開季走勢偏軟，雖剛於歐洲足協盃大勝，但恐怕會出現後遺症，今仗南下作賽形勢欠佳，尼斯小讓平半，建議持有上盤。（now 826周一凌晨２時40分直播） 朗斯今季開咧表現欠佳，聯賽四戰兩和兩負，三百六十分鐘只曾攻入一球，已降至榜下游位置。會方迅即作出緊急應變，聘用法國著名射手柏賓為帥，希望為球隊注入生氣，盡快扭轉頹勢。不過，柏賓剛上任未有足夠時間作出調整，現時仍處於摸索階段。 上周中朗斯於足協盃大勝年青人五比一，似乎已重回正軌，但球隊剛踢完歐洲賽，休息時間不足，體力未必能及時回復，所以今場易出現「走樣」情況。 朗斯疲兵南下 再者，今仗朗斯要由北部長途跋涉南下作賽，尼斯以逸待勞，未踢已取得優勢。尼斯季初演出尚算平穩，特別是上周作賽擊敗強隊馬賽，有助提升士氣；巴西攻擊球員艾達臣持續有出色演出，球隊攻力不俗，預計可以順利勝出，馬會開尼斯讓平半盤口合理，建議購入上盤。 肥叔专栏 (2007-09-02) 歐聯出局愁雲慘霧 阿積士趁細回氣 意甲開咧一周形勢未明朗，除祖雲達斯外，其餘升班馬實力冇想像中咁好，既然搵唔到出擊重心，不如睇多一周先玩，肥叔決定不作提供。今日正路玩番英超同西甲，不過荷甲有大戶來料，阿積士主場對格羅寧根（日）11，早飛捧細同下盤，值得留意。 （now 826周日晚8時30分直播） 阿積士上周中歐聯外圍賽輸畀布拉格施拉維亞，畀隊歐洲三線弱旅踢出局，反映佢正步入青黃不接期。球隊放走史奈達同賴恩巴布後，未見陣中有乜新星湧現，呢個青訓王國開始出現老化象，實力曳好多。佢頭兩場聯賽取得大捷，引來唔少散戶再追捧，但係大戶睇法就完全相反。 睇番早飛走勢，大戶已經開始大手購入細盤，下盤亦成投注對象，顯示佢並唔睇好阿積士大勝，的而且確，球隊經歷歐聯出局打擊後，返到主場都好難即時反彈，讓到球半確係太辣。馬會今場將大細中位數調整到3.5球，細盤明顯偏熱，同大戶選擇合，所以可用細盤做重心，補埋下盤。 肥叔心水基水 
基達菲有晒信心飛 再睇幾場英超，布力般流浪（日）21同曼城實力接近，今季兩隊都打得好，單從盤口分析，布力般主場讓平半好抵玩，呢場揀番上盤數。肥叔今季睇好樸茨茅夫（日）10，呢班波實而不華，作客阿仙奴受讓一球好數，冇理由唔捧下盤。另外，阿士東維拉（日）22表現平穩，主場威力唔曳，車路士讓到半一太多，要番下盤。 西甲方面，基達菲（日）37上場打少兩個先大敗畀西維爾，賽績不能作準。呢班波時刻不容忽視，今晚主場對住維爾瓦，讓到半球有晒信心飛，上盤玩得過。 羅斯托克1.85倍大價靚 (2007-09-01) 德甲賽事入球數字長期偏高，所以操盤員在調校當地聯賽的大細賠率時，大多數會對「大盤」持保守態度，以減低風險及平衡投注額。但並非所有德甲「大盤」賠率都被壓低，好像（六）13 羅斯托克主場對多蒙特，馬會「大盤」有1.85倍，算是周六晚其中一場有高度博彩價值的德甲「大盤」。（有線體育台62周六晚９時30分直播） 羅斯托克實力一般，聯賽首日已經吞拜仁慕尼黑三隻光蛋，若果唔係馬會當日加大中位數，羅斯托克又多一場入球開大往績支持。羅斯托克近三場全敗，狀態及實力皆處於低位，今晚隨時會被多蒙特以大比數打敗。 對多蒙特往績旺大 連同德國盃及三場聯賽，多蒙特無論勝負也好，全場總入球都超出二點五個。從操盤助理方面所獲得的資料，多蒙特屬於開放式球隊，或因球員進攻意識太強，根本無法顧及後防，導致入球多之餘失球亦不少。面對實力較次的羅斯托克，相信多蒙特進攻意識更加強，屆時入球數字就更易升高。另外兩隊在近四次交手有三次開大，對賽往績亦可歸納為今場開「大盤」的利好因素之一。 肥叔专栏 (2007-09-01) 網羅猛將決振雄風 飛燕諾有心有力 肥叔近日內地，發覺內地足球博彩業相當蓬勃，以往賭風局限珠江三角洲一帶，但依家長江流域一帶經濟起飛，投注額相當驚人，足球博彩已成為全球大氣候。 同內地朋友傾開，發現前晚足協盃第二圈外圍賽，博彩公司為減低風險，索性唔提供波膽受注，亦有部分博彩公司選擇性開盤。足協盃過往出現過唔少打假波醜聞，依家博彩公司警覺性好高，而且非常重視危機管理，如果唔係隨時畀大鱷一鑊翹起！ 言歸正傳，肥叔今日轉口味，推介一場荷甲波。熟悉肥叔朋友都知，肥叔一向重心推介四大聯賽，但唔代表會忽略其他賽事，事實上，肥叔今季就相當睇好飛燕諾（六）61。呢支荷蘭老牌球會，同阿積士一向係死對頭，論球會歷史同規模，遠在另一支強隊燕豪芬之上，不過近幾季成績愈來愈差，搞到惹起公憤，董事局更成為球迷眾矢之的。今季球會決心大搞，搵馬卡爾、雲邦賀斯同紐尼沙軒等好手加盟，大有機會挑戰聯賽錦標。 肥叔心水基金 
高地對辦主W佳品 其實荷甲水準一向好參差，榜首爭標幾隊，同中下游球隊實力相差好遠，經常出現大炒情況，故即使讓得辣，亦唔怕捧上盤，今場對威廉二世齋W有1.2倍，相比起今晚利物浦同曼聯等大熱，其實更抵賭，以佢強勁攻擊，加上荷甲實力懸殊，大炒對手機會肯定比英超高。 另一場心水係英冠高雲地利（六）49，「高地」係肥叔相當睇好英冠球隊，大有機會爭取升班資格，佢季初表現亦相當對辦，暫時排榜首位置，個勢咁好，狀態唔會咁快回落。反觀普雷斯頓失去射手紐根特後，成隊波好似失晒方向，加上呢隊波傳統以來都不擅作客，肥叔對主W好有信心 歐塞爾平手盤反彈良機 (2007-08-29) 法甲賽事今季情況有異，里昂稱霸地位有所動搖，操盤專員正密切留意事態發展。其實每當多年慣性出現了變化，就是投資者出擊的好時機。事關操盤手仍未摸清大形勢之時，所定出的賠率便未能緊貼現實，投資者只要吼准機會，便能在大市中取得更高回報。其中歐塞爾對雷恩（三）18，讓球盤開出平手，低水的歐塞爾取勝機會頗高，屬周中法甲最佳投資選擇。（週四淩晨２時30分開賽） 主場克死雷恩 歐塞爾算是法國名牌球隊之一，但今季表現未如理想，開季五場法甲僅取得一勝。本來近況太差球隊並不值得憧憬，但考慮到歐塞爾唯一勝利就是在主場取得，投資者應再給予機會。尤其是法甲正處於動盪階段，歐塞爾隨時可以扭轉近績上的不利因素，於短期之內大反彈。若果等到歐塞爾反彈之時才入貨，好可能會錯失今次開平手盤的投注良機。 雷恩於今季法甲只比歐塞爾多取一勝，論近況不比對手好。另外，歐塞爾於最近六次主場對雷恩都能取得勝利，賽績上較有信心。 肥叔專欄 (2007-08-29) 首回合大戶重押得手 哥本哈根有菲要跟 博彩市場充滿兇險，「黑名單」聯賽德乙更加多事發生，剛過去周日亞琛對住奧芬巴克，兩派大戶大鬥法，一邊用數據揀波，另一邊靠收風搏殺，結果今次收風派贏，但收料好多時有蠱惑，當中牽涉不法手段，甚至發放假消息，相比之下，肥叔都系欣賞高科技資料派，呢個亦系市場大勢所趨。 講番今晚波，歐聯第三圈次回合開打，肥叔最睇好哥本哈根（三）24，首回合作客賓菲加受讓一球、球半，當時好多大戶買哥本哈根，結果佢僅輸一球贏盤，已經有曬交代。呢班波上年歐聯週邊賽淘汰阿積士，上場咁多人捧場，足證實力唔曳，今次返到主場，馬會開平手盤低水，但部分莊家甚至開出主隊讓平半，可見佢幾咁硬淨，呢場一定要吼實。 肥叔心水基金 
星隊讓太辣反佢底 另外，白俄羅斯冠軍巴迪作客布加勒斯特星隊（三）14，首回合踢成二比二，巴迪踢得有板有眼，兩隊實力差距唔系想像中咁遠，依家星隊讓到球半，明顯過曬火位，呢場星隊贏波，甚至打和一比一同○比○就得，冇必要大炒對手，點都揀番巴迪下盤。 此外，札格拉布戴拿模（三）16主場不嬲犀利，雲達不來梅今季走曬樣，首回合主場贏二比一非常抆水，今場平手盤要番主隊，大盤亦可兼顧。 英聯杯方面，曼城作客對布裏斯托城（三）27，曼城開季成績理想，加上質素超曬班，現時人腳亦相當充裕，就算用二線兵都夠殺，呢場客W亦可取。 聖日耳門防線穿窿大鑊 (2007-08-26) 昨日提及季初球隊受球員變動影響，若後防主力離隊，情況更嚴重。巴黎聖日耳門（日）29今夏放走防線主力羅辛奴，穩定性即時大減，今晚主場面對里爾，預計會出現大量失球，建議購入大盤。（now 826周一凌晨零時直播） 聖日耳門今夏放走捷克中堅羅辛奴，嚴重影響頭利古恩部署。羅辛奴近季已成球隊防線重心，在他離開後，球隊引入蘇馬拉卡馬拉及保尼隆作補充，但兩人級數一般，未能成功接班。 今季聖日耳門聯賽四戰其中三場保持不失，但主場面對羅連安特卻以一比三落敗，防線於最後二十多分鐘內連失三球，水準非常不穩，今次面對里爾，防線隨時再失準。 里爾改踢進攻足球 里爾今夏有卡達基達及保迪馬兩大主力離隊，主帥佩爾成功調整戰術，球隊季初演出尚算平穩，並在近三仗攻入四球，一改保守風格。法甲入球率一向偏低，但自上季提出入球獎勵制度後，情況已逐步改善。法甲大盤有如日職細盤一樣，往往會出現超賠率，今場大盤有2.55倍，回報相當理想，屬理想投注對象。 肥叔专栏 (2007-08-26) 拉科靚價快入貨 今日意甲同西甲全面開鑼，肥叔提供兩隊畀大家參考，就係西甲拉科魯尼亞（日）35同意甲熱拿亞（日）15。升班馬首仗通常主場掂、作客曳，拉科主場對新上甲組艾美利亞，主W有1.8倍相當抵買，真係快入貨。 意甲同西甲開鑼之前，肥叔已做足功課，但資料數據同臨場發揮係兩回事，係龍係蟲真係要落場踢過至真，頭幾輪聯賽應抱觀望態度，不宜投放過多資金。不過多年經驗話畀肥叔知，升班馬首輪亮相往往係主強客弱，因為主場作賽，球員同球迷飢渴感，往住令球隊踢高幾皮波，再加上散戶「慣性」低估升班馬實力，導致盤口非常吸引。 肥叔心水基金 
熱拿亞有冷味 熱拿亞呢支傳統名牌有深厚歷史背景，球迷出名以熱情見稱，難得重返意甲，一早已做足準備恭候AC米蘭班大帝，AC米蘭最大問題係球員年紀偏大，新球季開鑼代表班主將又大一歲，條後防線一日唔增援，就好似計時炸彈一樣隨時爆炸。AC米蘭作客表現冇主場咁穩定，今仗又有朗拿度缺陣，第一場波作客就要讓波，人生路不熟下贏唔到好正常，可試下盤。 今晚心水係拉科魯尼亞（日）35，拉科開咧成績一向好，近四季開咧三勝，肥叔一向好欣賞佢青訓系統，雖然近年走唔少球員，但班新人一樣接到班；艾美利亞係三支升班馬最弱一隊，而且又冇主場效應幫助，難做攔路虎。 普雷斯頓失主力難反彈 (2007-08-25) 今次會以英冠賽事作為推介，英格蘭次級聯賽球隊隱藏不少新星，這類球員為球隊帶來上升潛力，不過，一旦他們被大球會挖角，球隊就會進入調整期。普雷斯頓進攻重心紐根特今季轉投樸茨茅夫，球隊未能適應改變，走勢持續偏軟，今晚主場面對高車士打（六）30難反彈，建議持有「讓球客勝」。（周六晚10時開賽） 普雷斯頓近季一直處於英冠中上游位置，成績非常穩定。射手紐根特極速冒起，是隊中首席射手，表現相當突出，惹來多支英超球隊注視。今夏會方決定放走紐根特，換來六百萬鎊收入。球隊頓失進攻重心，新攻擊組合美羅及奧米洛特級數稍次，首兩場聯賽發揮在水準以下，球隊兩戰都交白卷，攻力明顯不足。 舒寧咸幫到高車士打 由於普雷斯頓現已落實擴建球場，工程預計會於○八至○九年度竣工，會方已抽調大量資金作為擴建費用，因而缺乏本錢在轉會市場羅致新兵，短期內難解決攻力不足問題，上升空間不大。高車士打首兩場聯賽都與對手賽和二比二，防線的確有瑕疵，但面對鋒力欠銳的普雷斯頓，應可憑較佳攻力保持不敗。 環顧現時博彩市場，普遍莊家開出普雷斯頓讓半球，甚至半球、一球，但主隊缺乏爭勝本錢，加上客軍球星舒寧咸上場取得入球，明星效應持續，今場建議購入「讓球客勝」。 肥叔专栏 (2007-08-25) 車仔舟車勞頓跑到殘 樸茅大勇唔怕硬撼 周中國際賽成績不俗，不足一個月，基金盈利已逼近兩成。好多老友睇完報紙，都大讚肥叔畀隻哥倫比亞夠晒精彩，其實呢類二線國際賽經常都可發現寶藏，因為冇乜人留意，消息唔多，往往可執到筍盤，淨係睇哥倫比亞由初盤受讓半球，跌到落開波前讓番人轉頭，就知消息幾咁堅。 肥叔向來唔介意同讀者分享內幕消息，有消息唔代表一定贏硬，但知得比其他人多，贏面自然更高，足球博彩博大精深，正所謂一分耕耘一分收穫，大家切忌存僥倖之心，其實每個人都有自己一套投注理念，能夠吸納別人長處，集思廣益，先能夠令投注技巧更上一層樓。 肥叔心水基金 
補個大隨時中兩瓣 言歸正傳，今日重心有兩場，首先講較為矚目車路士（六）20主場對樸茨茅夫。車仔陣中有十二名國腳踢完周中國際賽，舟車勞頓你話冇影響就假，何況今場對手仲要係出名硬淨，季初狀態奇勇樸茨茅夫，下盤好值得捧場。 葡國大戶撐甘馬雷斯 樸茨茅夫今季增兵後實力大增，已提升為有力爭逐歐洲賽入場券黑馬，佢連曼聯都唔驚，季初三戰不敗，今仗作客車仔受讓球半咁多，以車仔穩陣作風，最叻都係贏一粒，車仔今季入得又失得，樸茅又有進攻能力，除下盤外仲可補多個總入球「大」，隨時中兩瓣。 另一場心水係甘馬雷斯（六）68，有睇開肥叔專欄朋友都知，肥叔甚少涉獵葡超，但收到風當地大戶重注買落甘馬雷斯，即刻幫大家跟進。開咧戰失利賓菲加剛炒練，搵西班牙名宿甘馬曹回巢執，不過佢當前急務，係下周中歐聯外圍賽作客哥本哈根，故今仗對甘馬雷斯有意收起部分主力，難怪大戶早餐飛已狙擊下盤！ 北愛鬥列支敦士登大炒格 (2007-08-22) 今日有歐國盃外圍賽同熱身賽，熱身賽志在練兵，贏輸冇所謂，注碼不宜過大，但歐國盃外圍賽就唔同，勝利關乎國家榮辱、出線形勢甚至商業利益，相對講更有投注價值，F組北愛爾蘭主場對列支敦士登（三）22，北愛近年進步神速，對住業餘性質列支敦士登料可輕鬆取勝，「讓球主勝」同大盤值得持有。（周四凌晨2時45分開賽） 北愛爾蘭於八十年代曾有過一段風光日子，柏真寧斯、韋西迪等名將帶領下，曾打入八二及八六年世界盃決賽周，不過自此之後，北愛足球便進入黑暗期，幾年前世界排名更一度跌至一百二十四位，更曾試過一千二百九十八分鐘冇波入，但經過兩位領隊拉禾山齊士同禾寧頓大力改革後，北愛排名現已提升至二十八位，絕對係近年進步最大球隊，同著名魚腩部隊列支敦士登實力有大段距離。 列軍一向唔識死 睇番F組出線形勢，北愛六戰四勝一和排第三，只要今場贏波就可超越西班牙排小組第二，戰意一流，反觀列支敦士登出線無望，唔會阻人發達。北愛主場成績極佳，曾先後擊敗西班牙同瑞典兩隊勁旅，而列支敦士登雖然自知係弱隊，但從來唔會踢龜縮足球，早前外圍賽作客瑞典同西班牙一樣照攻，結果分別輸一比三同○比四，今仗作客北愛相信會重施故技，令開大盤機會大增。 肥叔专栏 (2007-08-22) 墨西哥奧運腳飛 哥倫比亞恰細路 今輪國際賽安排八月下旬舉行，歐洲聯賽如箭在弦，對好多球員講，都難以全情投入，尤其係熱身賽各隊志在練兵、試新球員，勝負並唔重要，所以肥叔今日建議大家住三個宗旨投注：就係揀下盤、主隊同牌面低球隊，重心推介中立場對墨西哥哥倫比亞（三）32，呢隻係美洲大戶料，堅過美利堅。（周四早上10時開賽） 每間博彩公司、大戶或者專業賭徒，都有自己擅長聯賽或瓣數，始終足球博彩涉及賽事極廣，五花八門，就算係幾專業，都有機會走漏眼，所以對博彩公司講，人脈關係、收風及情報工作非常重要，遇到一消息靈通，眼光特別獨到外國大戶，都會加強溝通，希望從中到猛料。 墨軍「牛奶仔」讓唔起 今日國際熱身賽，肥叔一早同英國邊同事料，因為早前美洲國家盃，有位大戶頻頻贏錢，稱佢為南美波專家絕不為過，佢幾日前已經早餐飛入定貨，大注捧哥倫比亞下盤同齋W，佢買幾多肥叔唔方便講，但絕對係數目唔少注碼。 見呢位大戶咁有信心，資料組同事當然即刻查明真相，原來墨西哥踢完美洲金盃同美洲國家盃之後，領隊山齊士決定國家隊要進入調整期，全力備戰奧運，因為佢已經被墨西哥足總委任為奧運隊領隊，山齊士身兼兩職，梗係將精神放奧運隊先。 墨西哥今次清一色用土炮，仲有好多都係「牛奶仔」。廿四名球員中，只有五人踢過早前美洲國家盃同美洲金盃，其餘十九人都係○八年北京奧運適齡球員，有九人參加過剛舉行世青盃，墨西哥派細路踢，開飛仲要讓半球，相信係因為好多操盤手都走漏眼，調整後轉讓平半都照撐下盤。 肥叔专栏 (2007-08-19) 科特布斯入晒局要出手 球季開鑼個多星期，投注額好到不得了，一方面係球迷餓波太耐，加上今季轉會交投活躍，又有鋪天蓋地宣傳，大大增加球迷新鮮感同投注意欲，令投注額有顯著增幅。今日肥叔心水基金以英超同德甲為主，最有信心係科特布斯（日）18同布力般流浪（日）15，兩隊中型班主場出擊，價位合適值得支持。 依家香港球迷真係幸福，每個星期都有幾十場直播收看，英超仲場場有得睇，反觀內地球迷就冇咁多選擇，想睇英超就比較麻煩，不過好多人心態都係咁：愈冇得睇，就愈想睇，即使好多球迷睇唔到英超直播，仍無損投注額，反而有部分鍾意賭直播波球迷改玩德甲，形成雙贏局面。 言歸正傳，肥叔上周德甲推介成績唔錯，今個星期再乘勝追擊，提供科特布斯同利華古遜。科特布斯上季其實打得好好，今季人腳得以保持，係德甲一路奇兵，該隊熱身賽取得不敗戰績，睇得出班球員已入晒局，主場出戰實力平平波琴，讓平半要捧主隊。 肥叔心水基金 
布力般踢法有個性 英超布力般係全日重心，呢隊黑馬近兩季已踢出獨特個性，今季仲加入埋辛達告魯斯呢位有質素前鋒，再加上班底變動唔大，對球員合作同默契有好大幫助，今晚主場對傷兵滿營阿仙奴，主場受讓平半真係好抵玩。阿仙奴雖然連贏兩場，但贏波過程相當驚險，呢班波始終太新嫩，唔擅長踢逆境波，對住踢法咁硬淨布力般好蝕底。 歐塞爾冇態冇運讓唔起 (2007-08-18) 今季法甲已經進行過三輪連周中快車比賽，操盤員對於各支球隊的狀態已有一定程度了解，而其中一支缺態球隊是歐塞爾。經三場比賽之後，歐塞爾三戰皆北兼沒有入球。今晚（六）56歐塞爾將主場對卡昂，從近績顯示歐塞爾沒有足夠能力打倒卡昂，於馬會開設「讓球主客和」的情況下，「讓球客勝」好值得投資者投放資金。（周日凌晨2時開賽） 除了球員狀態不濟之外，運氣不佳亦令球隊交不出好成績。情況最嚴重是上周末主場對波爾多，歐塞爾前鋒馬奧利達連續射失兩個十二碼，導致球隊最終以○比二落敗。另外後卡保奧轉投熱刺之後，後場變得不設防，連續三場聯賽最低限度失兩球。歐塞爾攻守力都處於低位，要向卡昂讓球相當不值。 卡昂升班兩戰唔失禮 卡昂這支升班隊並非想像般差，法甲開鑼日已經勝過尼斯，及後作客對南錫亦只以一球僅敗，表現絕不失禮。莊家或關注到雙方知名度，所以把歐塞爾取勝賠率調得較低。但現實情況說明了歐塞爾欠缺能力讓球，投資者不要因卡昂是升班球隊而錯失一場投資良機。 肥叔专栏 (2007-08-18) 艾拿戴斯一去籠反 保頓瀉開就瀉！ 近日全球股市大瀉，但肥叔基金卻節節上升，開張一星期，已有雙位數百分比回報，好開始係成功一半，肥叔會繼續努力提升基金盈利。肥叔剛由英國返港，呢次英國之行收穫甚豐，除了解博彩工業新趨勢，仲有同一流操盤師開會，佢提供意見，畀到肥叔好多博彩上新靈感，今日新鮮滾熱辣，英倫帶來幾隊心水畀大家。 先講英超早場樸茨茅夫（六）８主場對保頓，保頓今季人腳雖然變動唔大，但領隊艾拿戴斯離隊，卻有牽一髮動全身影響，班主菲加西特向來不得人心，新領隊李森美性格優柔寡斷，搞到球隊出現分化，連敗兩場陷入前所未有危機，今仗作客對狀態不俗樸茨茅夫，再輸不足為奇。 肥叔心水基金 
樸茨茅夫開齋心切 事實上，保頓近年咁成功，主要係艾拿戴斯能成功「鎮住」陣中搞事球員，好似安歷卡同迪奧夫，兩名球員確係有質素，但紀律卻唔好，艾拿戴斯以往有辦法令佢貼貼服服，專心踢波，但艾拿戴斯一走，兩人已吵要離隊，李森美又驚青，收購一大堆質素平庸，冇乜機會出場二、三線球員，試問咁又點會到好成績？ 至於樸茨茅夫，肥叔一早已睇好呢隊波，佢首仗對打比郡，作客贏唔到有唔抵，上仗對曼聯亦踢得非常好，由於佢兩戰皆和，追求勝利飢渴感一定夠，今場讓半球都要捧場。 雷丁熱刺值得捧場 另外亦揀三場英超，雷丁接連硬撼曼聯同車路士仍毫無懼色，證明呢班波真係好硬淨，但佢同愛華頓屬同一層次，只係愛華頓開咧兩戰兩勝，令呢場波賠率熱晒，計實力，雷丁平手盤真係好吸引。至於熱刺連輸兩場，呢場對實力較弱打比郡係時候開齋，有力反彈。 保地花高再捧主勝 (2007-08-15) 巴甲球隊以華斯高及保地花高主場表現最為突出，早前保地花高更創下主場七全捷佳績，令到不少數據派投資者對這支巴甲球隊加倍留意。但去到八月初保地花高主場全勝泡沫被聖保羅打破後，搞到大批巴甲投資者要提早落車。 足球賽事千變萬化，偶一為之的失利好常見，所以莊家並未有對保地花高主場評級有任何負面調整，今日保地花高主場對哥連泰斯（三）38，建議投資者重新持有「主勝」。（周四早上７時30分開賽） 其實今季聖保羅作客表現極之出色，保地花高被他們打破主場全勝紀錄實非戰之罪，今次保地花高再次返回主場迎敵，對手哥連泰斯亦只不過是中下游球隊，相信後者好難向保地花高造成大威脅。 哥連泰斯最近五場作客僅取得兩和三負，看不出他們有任何本事可打破賽績上的不利。綜觀歐洲各地市場，已有不少外國博彩公司如Internet1X2、Synot Tip及Stan James等都把主Ｗ賠率調低，投資者應跟從大方向投放資金，勿錯失賺錢機會。 肥叔专栏 (2007-08-15) 開鑼日輸完搏老命 富咸保頓開大片 肥叔睇完首周英超之後，已初步掌握到各隊實力同季初形勢，利物浦打破近年開局不佳悶局，足見紅軍大灑金錢擴軍後，足可媲美車路士同曼聯，另外幾支黑馬好似布力般流浪及曼城，亦力足阻礙大局，值得留意。今日心水係富咸（三）30大盤，今晚主場對保頓，兩支新敗球隊一定搏老命，入球必多。（now 635周四凌晨２時45分直播） 富咸今季大換血後，成隊波更有活力，鬥志亦相當頑強，上仗對阿仙奴若非完場前失守，大有機會搶分。富咸一向靠主場搵食，除近幾季主場表現相當平穩外，睇番兩隊對賽往績，富咸近六季主場對保頓亦取得五勝一和壓倒性優勢，大細盤則為四大二細，開細兩場都入到兩粒，可見兩隊碰頭必大手交易。 保頓今季有經驗豐富艾拿戴斯離隊，接手李森美明顯未夠班，班球員完全唔聽佢支笛，負面消息一個接一個，繼安歷卡話想離隊後，迪奧夫最近又扭計，首仗主場輸畀紐卡素，睇得出隊波唔團結，不過隊波始終有質素，上場落後紐卡素三球都追番粒，肥叔今仗雖睇好富咸少少，但認為大盤更穩陣。 捧不來梅反阿積士 歐聯外圍賽亦有投注價值，其中雲達不來梅主場對薩格勒布戴拿模（三）21，主隊讓得多都唔怕。薩格勒布戴拿模次圈對當姆薩尼，賽前收到大量注碼買佢上盤同大，一睇就知有蠱惑，薩格勒布晉級並非真材實料，作客不來梅輸幾球好正常，上盤要捧。至於阿積士（三）19今季主力星散，上屆歐聯外圍賽亦曾爆冷出局，今場讓布拉格斯拉維亞球半，下盤非常抵玩。 肥叔专栏 (2007-08-12) 里爾星散作客益梅斯 肥叔身在倫敦，今日會入場觀看車路士對伯明翰，車路士主場波飛出名貴，由於倫敦物價較高，車仔球星多、球場座位又少，所以一張波飛閒閒炒到成二百鎊，計埋超過三千蚊港紙睇場波，真係唔係個個都負擔得起，不過肥叔寓工作於娛樂，又要為讀者搜刮好料，使少少錢都冇計，最緊要讀者今季贏多。 講番今日肥叔心水，英超三雄車路士、曼聯同阿仙奴主場出擊，讓得多都捧唔過，下盤又欠缺心水，倒不如改玩大細盤，以曼聯對雷丁為例（日）11，曼聯今季買咁多攻擊球員，加埋原本Ｃ朗同朗尼，擺明車馬踢進攻足球，肥叔一向好欣賞雷丁呢隊波，因為佢鬥志好，而且有一定攻力，上季四對曼聯都有好表現，和兩場，另外兩場都係輸一粒，今場有機會入到曼聯波，捧大盤好過玩讓球盤。 肥叔心水基金 
法國地大特利主場 至於全日重心係法甲梅斯（日）16同德甲卡爾斯魯厄（日）13，法甲主場因素一向非常明顯，主場勝率高過西甲、意甲同德甲，與英超相若，法甲咁旺主場主要有兩個原因，首先法甲係全歐洲最大國家，覆蓋面較大，客隊舟車勞頓自然更影響發揮，另外法國球員民族感好強，代表自己地區同球會亦甚有榮辱感，所以主場球迷面前，往往打高幾皮波，里爾雖然上季仲有份玩歐聯，但今季主力星散，實力大不如前，升班馬梅斯冇乜人注意，主場可偷雞。 德甲方面睇好兩支升班馬卡爾斯魯厄（日）13同杜伊斯堡（日）12，肥叔睇完德國聯賽盃之後，對卡爾斯魯厄幾有好感，今季有機會護級成功，作客受讓捧得過，而多蒙特讓杜伊斯堡一球實在過晒火，兩場都捧下盤。 卡昂未見底受讓有計 (2007-08-11) 法甲上周已開咧，首周賽事三支升班馬勝負和各一，成績尚算不俗，由於升班球隊往往會被忽視，如能盡早發掘「隱形銀行隊」，有望取得豐厚利潤。（六）52卡昂首戰演出對辦，實力評級大幅提升，屬三支升班馬之首，今晚作客南錫，料可保持不敗，建議持有「讓球客勝」。（周日凌晨2時開賽） 由於升班馬實力多數不及原級球隊，當博彩公司計算實力評級時，普遍不會高估這類球隊。如果單計人腳，部分升班球隊未算突出，不過，球隊缺乏名氣，所以經常會出現超賠率，有利在季初時候製造爆冷賽果。另外，升班馬打法及實力神秘，上升空間多，值得加倍留意。 南錫實力未有提升 卡昂上季成法乙亞軍，實力未算突出，經過今夏招兵買馬後，球隊戰鬥力大幅提升，剛戰於主場順利擊敗尼斯，演出相當穩定，球員明顯已適應法甲賽事節奏，基本上應付自如。至於南錫今季引援計劃失敗，實力停滯不前，潛力有限，雖然今晚有主場優勢，但不宜過分憧憬。 翻查往績，兩軍過往六次交手，卡昂取得四勝兩和不敗成績，賽績紀錄於○二至○四年，現時兩軍人腳已有所改變，參考價值相對較低。不過，以卡昂首戰展現的實力，水平屬三支升班馬中最佳，今場受讓情況下，「讓球客勝」具博彩價值。 肥叔专栏 (2007-08-11) 韋根大換血前路艱巨 愛華頓主Ｗ有信心 今日英超開鑼，肥叔身在倫敦，感受到熾熱足球氣氛，呢次英國之行，除同操盤手開會，亦有同大戶見面。足球博彩一日千里，必須與時並進，切忌故步自封，所以肥叔間中都會出去走一趟，睇博彩業新趨勢，順道與同業間聯絡感情，雖然好多人話同行如敵國，但做呢行人脈關係好重要，平時高手過招，但仍無損生意夥伴之間感情。 肥叔心水基金 
「拖肥糖」主場有保證 肥叔基金今日開張，上季盈利逾五成，但肥叔唔會自滿，希望今季可以幫讀者贏多茶錢，先講大家最關注英超，今日兩場重心係（六）18 愛華頓同（六）9 新特蘭。愛華頓今季雖然取得足協盃資格，但陣容變化唔大，實行以不變應萬變，對球隊默契同磨合有好大幫助，「拖肥糖」葛迪遜公園球場一向打高幾皮波，上季贏過阿仙奴、利物浦等強敵，今仗對問題多多韋根有力旗開得勝。 講番韋根，佢上季護級成功略帶幸運成分，領隊祖維爾離隊後，由助赫真斯接手，歷史告訴我們，由一位經驗不足領隊領軍護級，前路非常艱巨，加上主力如巴尼斯、麥高洛治同迪蘇禾離隊後，新加盟球員又分量不足，難怪好多博彩公司都將韋根降班賠率調熱，今仗作客以穩陣見稱愛華頓，肥叔睇好主隊。 除英超，英冠今日亦開鑼，肥叔想花少少篇幅講心得。 英冠捧錫菲聯狼隊 今季三支由英超降班球隊之中，以（六）30 錫菲聯實力最強，佢上季升上英超冇亂咁使錢，所以今季降落英冠後，仍有足夠財力保持實力，仲收購比亞堤等好手增強實力，今晚主場對地頭蟲高車士打讓半一捧得過，尾場（六）50 狼隊亦值得留意，狼隊上季季尾表現出色，可惜升班附加賽功虧一簣，今季野心勃勃有力爭升班，對手屈福特有唔少主力被挖角，實力大受影響，狼隊主場讓平半值博率高。 彭美拉斯受讓劫「富」濟貧 (2007-08-05) 歐洲球季尚未全面展開，南美洲區聯賽好自然成為不少投資者近期的替代品，而巴甲聯賽就屬於馬會有開盤賽事之一。因為部分巴甲比賽有星直播，投注額亦受到正面刺激。其中，富明尼斯主場對彭美拉斯（日）18，現時盤口富明尼斯讓平半，信任數據的投資者大可向「下盤」打主意。（now 631周一凌晨3時直播） 富明尼斯基於有主場之利而向對手讓球，但從往績方面分析，這個上盤實不易開出。就最近六次彭美拉斯作客富明尼斯的比賽，後者未有一次能取得勝利。 作客不敗率75％ 另外，今季彭美拉斯作客不敗率達百分之七十五，富明尼斯今次要打破上述提及到的不利數據，相當唔容易。 須知盤口是由市場去調節，富明尼斯這個上盤既然缺乏支持理據，承接力不足的話隨時會變成平手盤，屆時才醒覺入市的話便失去投注先機，故高度建議投資者盡早購入下盤。 另一項對上盤不利的數據是，富明尼斯近三場亞洲盤全輸，包括上星期三作客升班馬紐迪高。紐迪高只屬巴甲下游球隊，富明尼斯當日和波輸盤令人質疑他們的狀態；而球隊近三場僅取得一個入球，預計能向彭美拉斯施予的壓力不算大。 肥叔专栏 (2007-08-05) 里昂大換血有排執 歐塞爾生猛胃口 歐洲球季陸續開鑼，肥叔呢排都好忙，除要留意各隊新球季變動同熱身賽表現外，今個星期就會飛去歐洲見生意夥伴，為新球季作好準備。尋日講完法甲同蘇超開鑼投注策略，今日範圍擴闊些少，除法甲，仲提供幾場熱身賽畀大家參考，希望大家儲定多彈藥等英超開鑼！ 先講今晚法甲首輪重頭戲，由上屆冠軍里昂主場對歐塞爾（日）16，里昂今季有唔少主力離隊，包括馬隆達、艾比度同堤亞高文迪斯等，陣容變動頗大，加上練由侯利亞換上皮連，季初需要時間適應，今場對年輕力壯歐塞爾要讓到球半咁多，隨時贏波輸盤。 熱身賽撐中國利記 熱身賽方面有中國對北韓（日）２，肥叔睇好中國，有留意中國足球朋友都會發現，中國隊國奧、青年軍級別表現非常好，但去到國家隊層次則經常令球迷失望；歸根究柢，係中國球員成名後，往往未能保持良好心理質素同身體狀態，應酬或夜生活過多，令球員失去推動力。但今次參賽國奧隊近年成績唔錯，話晒明年自己地頭打北京奧運唔衰得，上兩場對住博茲瓦納同日本，取得一勝一和成績，今仗對住四角賽中實力平平北韓料可取勝。 另一場熱身賽肥叔睇好利物浦（日）14，利物浦今季大事擴軍後實力大增，最欣賞係佢攻力大躍進，肯定成為車路士同阿仙奴心腹大患，而利物浦近年防守已經相當好，只係差少少攻力，從熱身賽所見，球員踢得非常落力，今晚可勝飛燕諾。至於球迷最關心社區盾（日）５，肥叔認為陣容變動較少及 |